C'est mon première blog et je voudrais prendre ce blog pour me souvenir les petit choses dans ma vie

Sunday, February 24, 2008

Inside Animal Minds


有養動物既朋友都應該會認同, 小動物並不只食,訓,屙. 好多時, 我地會驚訝地發現, 佢地似乎有自己既思想, 諗法.

當初學animal communication, 都係因為好想試下同佢地溝通. 想知佢地諗緊乜.

National Gergraphic今次以探討動物到底有冇自己既思想, self-awareness, creativity做feature article. 由一個科學角度, 用實驗, 硏究去帶出, "動物並不止是一隻有血有肉的robot".

可能你會諗, "hey, 猩猩同狗, 大家都知佢地聰明架啦. 人同猩猩係近親, 狗又係人既好朋友, 服從性高"

NO, NO, NO. 呢篇article講既係, 動物有自己既思想.

Harvard科學家Pepperberg, 用30年去教一隻鸚鵡學英文. 鸚鵡個腦得個有殼walnut咁大. 但係佢識數野(1-7), 識話俾你知佢想食蕉, 食cherry, 定食提子, 識叫你帶佢去睇tree tree, 上堂時甚至識嘲笑d比佢細既鸚鵡, 叫佢地"talk clearly".

Crow烏鴉, 為左要"new"到d食物出黎, 識得將d佢從未見過既物件整成個勾咁, "new" d野食出黎.

八爪魚會變色去表逹心情, 亦係天生自戀狂, 好鍾意走埋d反光既野度, 睇自己既倒影...

如果俾塊elephant照鏡, 佢會知道鏡中既倒影係自己, o係倒影度見到個頭woo joo左, 佢仲會用個鼻黎摸woo joo左o個度....

agree攝影師所講... "This is about smart animals? I'm not sure about that. I think it's about us becoming smarter animals learning about what aniamls can teach us - about what we don't know, about them, and about us"

human beings, please be humble.


有興趣都睇下啦:
http://ngm.nationalgeographic.com/featurehub
Posted by Picasa

Saturday, February 16, 2008

情人節 2008

情人節呢, 其實我地拍拖既週年紀念 (無錯!!! 我地係特登hea到情人節先開始拍拖既, 因為易記, 實唔會唔記得. 不過俾人問起拍左幾多年拖我依然要諗好耐先答到)

今次, 有請大廚pat pat出場!!!!!!! (YEAH 啪啪啪啪啪. 喂, 你地一路睇都要一路拍手架)

今次呢餐, 太勁喇!!! 到今日我諗起都仲流晒口水... 唔係講笑.

紅酒香煎鵝肝 + 羊架
.... 仲有我整左一doubt好普通既salad, 呢一味就不提也罷.

鵝肝呢, pat pat 早排訂既, 大大個仲要平過city super好多. 今次只係整左半個( heeee... 即係好快我地要食埋另外半個, 又有鵝肝食, soooooo great).
pat pat一路都好緊張呀, 因為佢第一次整鵝肝, 切時發現好"林", 佢又驚會煎到散晒, 不停廚房同廳兩邊走, 因為係咁出去睇電腦double check 個recipe. 羊架呢, 就easy得多, 佢架輕就熟架喇!

煮好出黎, 好緊張咁試味. OMG!!!! 邊有人煮得咁好食架!!! 外脆內軟, 入口即溶. 鵝肝濃香流過全身, 一啖鵝肝一啖紅酒, 嘩!!!!!!! 夾到不得了呀!!!!! 好味過以前O係出面食o個d勁多呀!!!! 今次真係好食到癲左.

支酒又係好好飲喎!!!! 估佢唔到.

我地08年既最受歡迎大廚 - PAT PAT!!!!!
Posted by Picasa

鼠年新春誌

好耐冇update個blog喇. 先祝大家心想事成, 身體健康!!! 女士們青春常駐, 靚呀靚呀靚.

今年好開心去左bigyu度拜年玩wii fit. 最開心打破左佢老公個"浮波波"game既紀錄, 由1'22'' 變成45'', 哈哈哈哈!!!!! 相信到下年再去拜年都未有人會打破. 呵呵~~~~

仲有呢, 我同pat pat去左Elements度行. 都幾好行丫. 好多靚野睇, 冇錢買睇下都好.

Elements既收穫 - 三本書
所有英文書八折呀!!!! 點可以唔買呀, 你地都去睇下啦, 我覺得好似書種多過page one, fiction/novel/magazine有大量選擇. 真係幾好喎.

Shopaholic and Baby (Sophie Kingsella) - 八婆書series. 我本本都有睇. 今次呢本真係勁好笑, 我破記錄三日睇完. 唔係我勁, 因為真係比較簡單同埋太攪笑, 一睇就停不了. 心情唔好時既恩物.
Sisters (Danielle Steel) - 睇左幾頁同briefing. 因為自己家中都係幾姐妹, 所以對d講姐妹既書都有興趣. 不過未開始睇呀.
Jane Eyre (Charlotte Bronte) - 百幾年前寫既故事到而家都仲咁經典. 初中時睇過簡單版, o係書局度見到呢本書就諗起以前上英文堂(reading) 許sir肉緊投入既旁述, o個時成班都好似榕樹頭聽故仔既細路咁, 又緊張又擔心阿jane. 愈諗愈想睇完整版, 加上本書折完$25咁平, 所以又買埋.

新年前行花市, 見到d富貴菊好平好靚呀, 買左一pot返黎 ($38, 又係幾平喎). 初初得幾朶花ja, 而家開到幾多呀!!! 成個大花球咁呀!!!
Posted by Picasa