C'est mon première blog et je voudrais prendre ce blog pour me souvenir les petit choses dans ma vie

Tuesday, April 08, 2008

BANG!

呢排大家係勁沈迷BANG! 呢個遊戲. 最近既我地分別通左兩晚頂去玩. 但係人老左, 唔係好似以前咁通完頂仲可以去食早餐....
唔訓覺既後遺症係令我 - 胃痛, 想嘔, 眼訓, 全身乏力. 好似飲醉酒hangover咁....

第二次玩時, 為左增加刺激性, 喚醒大家既team spirit同減少私人恩怨對賽果既影響, 我地就加埋呢様野喇.

咁又真係好玩好多喎!!!
Posted by Picasa

Monday, April 07, 2008

難吃到爆的澳門船屋餐廳

3月頭同pat pat去左馬交.... 一心諗住食多d好野. 佢仲上open rice搵tips..
咁就book左頂頂大名既 -- 船屋餐廳

呢間餐廳好爸閉, 要早book, 仲有時限, 只有個半鐘食. ok, fine. 為左食好野, 我忍.

但係結果係好唔掂囉.

先講湯+餐包.
雜菜湯, 佢俾左雜菜粒字母湯. 一碗咪精水.
餐包, 拎上手熱騰騰, 心諗:"yeah, 熱辣辣既包係冇可能唔好食既"

點知俾我試到第一次... 熱辣辣, 有口感既包, 都可以冇味既.

馬介休炒薯條, 一個字, 咸.

olive oil煮蜆, 好味喎, 有咸味, 有芫茜味, 但係就係冇蜆味.

全場最爆既海鮮焗飯, 枱枱都有一dull. 好明顯大家都係睇左推介而來, 又好明顯枱枱食客都發現自己俾人fake左, 面對o個舊埋o係o個pat 爛飯深深處既蟹, 大家都顯得手足無措.
飯, 爛pat pat. 但海鮮又焗到乾憎憎. 好一個自相矛盾既一道菜.
蟹嘛, 我唔知o係dull咁既飯入面, d蟹味可以點食到出黎. 但係佢碎落既蟹殼, 平均地分佈飯內, 令人食得面有難色, 困難重重. 係成間餐廳俾客人最大既挑戰. 你食得晒, 啜埋d蟹肉既話, 我估佢地會俾個獎你.


恨見自己d朋友既馬交遊都o係自己個blog度post d好野食. 我既兩日一夜macau遊係餐餐都 0至負分.....
Posted by Picasa

鋼琴重光

對上一次打理阿琴已經係2年前既新年, 早排我feel到阿琴既不滿. 有一日就的起心肝去清潔佢...


打開阿琴, 彈左幾下... 嘩... 做咩痴立立咁架.... 仲要有條蟲死左o係度... 好驚呀!!!

好內疚呀...即刻大清潔啦!!
清潔過後, 阿琴靚返好多喇, d雜物都執走左!!!

襯埋盈菇幅畫, 仲靚!!!


好啦, 我返黎會彈多d阿琴架喇...
Posted by Picasa

Sunday, April 06, 2008

3月行山記

三月尾既一個星期日, pat pat同我見下晝冇咩做, 決定行下山. 目的地係北角村!

起步附近見到冇鬚bujil同埋甩色geebu. 不過佢地太拍醜.

望向遠處, 海中有舊大石, 大石上有個好型既釣魚郎. 佢只係著住對人字膠拖, 但係o係濕滑且滿佈"界"腳貝殼既尖石上如履平地. 相反附近一班o靚仔, 著晒名牌波鞋, 連o係石灘行一步都仆黎仆去. 釣魚大叔真係型到爆.

行到半路, 有一家人門口既杜鵑花放得好靚呀! 影張相先.

哈! 話咁快就到!
Posted by Picasa