C'est mon première blog et je voudrais prendre ce blog pour me souvenir les petit choses dans ma vie

Wednesday, March 21, 2007

北京第四天

今日係北京工作既last day. 又係要好早起身... 但係心情係輕鬆返少少, 因為經過幾日既會, direction係清楚左d...

好眼訓... 上到車係勁想訓, 但係老細o係隔離唔訓得.... 尋晚做到我邊做邊"恰", 中下中下咁, 今日又係好冇精神, 頭痛又隠隠發作...

早上做左少少demo啦, 跟住我老細就要prepare 個presentation, 我就清閒少少, 不過雖然佢個presentation係幾張slide, 其實都要做幾多research, 跟住呢邊既同事又好勁咁翻譯晒佢, 下午就present左喇, 都唔錯..

到4點鐘, 都傾得七七八八, 交代好大家之後要準備既野, 握手, 散會, yeah!!!

呢個trip其實我一路都好confused. 大家一開始都唔知要有乜野output, 中間又出現好多突發既野, 真係好易會心臟病... 但係呢個係一個好好既經驗呀...

出得多trip, 個胆就自然會大起黎. 由以前坐o係自己位打個conference call前都要自己做定rehersal先, 到而家一大班人面前突然要present都可以彈起身話pre就pre... 真係唔多唔少多得呢d出trip既經驗練返黎...

返到酒店, 好累呀... 本來仲諗住去行下, 但係頂唔住要訓陣喇... 跟住就去lounge度食左d snack, 發現d snack仲好食過room service d野...

聽朝早機, 要快d返香港攪埋搬屋d野呀...

北京第三天

今日又係忙忙碌碌咁過左, 最慘就係要返黎酒店做野... 做到而家... 本來聽日返香港既計劃都postpone左, 星期四先返...

由於咁多野做, 又係room service啦... 蟹肉炒飯 + dun雪蛤 + 西瓜汁, 個炒飯 ->食屎吧, 我係見到有蟹肉但係成個飯連salt既咸味都冇.... 難食到爆炸!!!

痱滋依舊, 一路食一路痛仲要冇味, 痛都痛得唔抵.

訓喇... 勁勁勁眼訓....

Monday, March 19, 2007

北京第二天

今天一早起身... 尋晚唔夠訓攪到今朝一起身就頭痛喇.... 唯有死頂...

食完個早餐, 就同老細出發... 點解咁遠架... 坐左成45分鐘的士... 下次一定要叫agent book間近d既hotel呀...

一早同兩位人兄傾完後, 就要同local既同事傾喇... 我既impression係, initiate呢樣野既人同要同我地仔細傾既人都唔知到底要d乜同要做d乜. 一個一味話三日就會做好晒 (我心諗... 邊個promise過話3日會做好晒jet, 連個output要係乜黎都唔知). 唔係我地黎一黎就叮一聲攪掂食得咁架嘛.... 等我仲以為呢邊既同事比較passive, 要用d好pushy既手法先會做野...

點知一傾之下, 唔係喎.. 呢邊d同事好有心同我地解釋, 一開始大家係發緊夢唔知做乜咁, 不過好快就back to track...

最痛苦係下午要做個draft, 但係我真係覺得我老細好勁呀, 有d野如果俾我, 我就唔知點可以一group人咁做, 但係佢真係可以用到各人既長處, 最後都出到個draft出黎.

之後就再開會傾, 傾到6點...

總結今日做過既野就係, 開會開會開會... 頭痛頭痛頭痛....

但係我對呢邊既同事係大大改觀, 佢地俾我既感覺係proactive, 客氣但honest, 唔遊花園, 唔會講d野耍人. 雖然開左成日會, 但係我覺得有outcome呀, ok喎.

之後同老細一齊的士返黎... 北京塞車又係塞到癲左咁... 我個頭已經勁痛, 阿司機大哥為左幫我地快d到逹, 佢係瘋狂咁轉黎轉去, 轉入小街又轉出大街又轉入橫巷, 我勁想跳車呀...

返到入房, 終於到逹頭痛既終極 -- 頭痛到嘔... 唯有食粒藥訓陣...

訓醒, 唔出去食喇,... 唯有又叫room service....
竹笙扖時蔬 + 乜乜牛柳條 + 高麗蔘竹絲雞湯 + 飯
好味喎..

北京出trip

今日夜晚飛到北京, 呢度得五度ja!!!!! 上機前餓到爆呀.... 點知o係機上一坐低就訓著左... 迷糊間仲好似伸左個頭去隔離個肥男人度... 訓左好似好耐, 突然醒左... 原來隻飛機仲未起飛, 最後遲左20分鐘先升空...

香港離北京只係2.5小時, 呢次係我第一次去北京, 本來諗住可以遲一兩日先走四圍睇下, 但係呢排太多突如其來既野要做, 所以都係快快攪掂返香港好d...

一到酒店, 同老細約好聽日一齊出法, 就叫room service喇... 雲吞面+cheese cake +西瓜汁... 雲吞面既味精係勁到爆, 西瓜汁就ok, 對我粒痱滋有幫助... cheese cake...ok 啦...

其實我次次出trip前都會好down, 雖然出下去係好開心既事, 但係又會好驚d 野未prepare好, 又會有好多突發事件, 今次仲要出得勁急, 攪到我星期六日都要返公司做野, 所以呢三日我要對自己好d!!!

食完野, 癲狂咁msn完後, 就泡泡浴喇!! 佢今次不單止upgrade左間房俾我, 沖涼仲有浴salt tim!! yeah, 泡呀泡, 沖完涼後, "呼"返個mask先....平時o係屋企都冇耐性"呼"...

已經1am喇, 聽日仲要6點起身tim....

Sunday, March 04, 2007

睇屋...

呢排諗住睇下有冇大d既屋啦... 咁就睇左呢間.. 500呎, 三樓連天台, 最最最鍾意就係上天台既樓梯係o係屋入面架... 鍾意到爆..
上天台!
樓上仲有個閣仔, 放到張床架!!!
主人房又勁大, 呢度只係show到一半都冇... 仲有一大半未入鏡...

kitchen又大!

不過... 最大既問題係landload唔肯改裝石油氣爐 (kitchen and bathroom). 即係, 冇得用明火煮食, 同只可以用電爐沖涼. 但係咁點住呀.. 冬天用電爐沖涼... 電爐最多支持到5分鐘熱水... 咁不如沖凍水涼罷啦!!!

我地話自己俾錢裝, 裝完當送俾佢, 佢都唔肯.. 所以... 算把啦... 計返條數, 租雖平, 但係一切家電, 爐, 家俬都要買, 計返條數仲唔抵... 而且似乎業主麻麻地...

只好慢慢再睇下啦...
Posted by Picasa

Wednesday, February 28, 2007

Le project de cil (眼睫毛計劃)

首先, report下個進度先.

feb 19, 2007: 9mm (+1mm)

下面d相係feb 23拍既.

Posted by Picasa

炆爆!

下面既薄餅同四川雞柳, 係我以前o係德國住時有一日整既... 個薄餅整得麻麻地, 但係個雞就勁辣..
 

 

 

就有如我而家既心情咁, 辣到上腦, 炆到爆.

我要做我想做既野, 用$2700去買我一個甘心. 我想用呢d錢睇下係咪真係有呢一回事. 我一定要試, 一定要知.

返黎既時候好大風, "唔凍咩?", "唔凍, 我d衫好暖架 (我心中既怒火仲暖, 去south pole同企鵝游水都得)."

一路返黎一路諗住聽朝要6點起身跑步, 發晒心中既不快出黎!!!! 正當我正覺得條氣順返時, 記起我對波鞋o係公司!!!

丫!!!!!!!!!!!!!!!!!!!!!!!!!!!!!!!!!!!!!!!!!!!!!!!!

突然諗起早幾日同幾個朋友仔講起鬼神既野, 有位瘦骨仙女性朋友話仲話:"瑤, 你好似乜都唔怕咁既, 你唔驚鬼架?"
呢一刻我諗.. 如果有隻鬼出現o係我面前....我一定會...
...
...
...
...
...
......
...
......
...
......
...
......
...
......
...
......
...
......
...
......
...
......
...
......

鬼都要同我死開呀!!! 我好嬲呀!!!