C'est mon première blog et je voudrais prendre ce blog pour me souvenir les petit choses dans ma vie

Sunday, April 05, 2009

貓界林過雲

呢條粉不斷咁領養黑白貓(14隻)再令佢地人間蒸發. 好變態好黑人憎呀!!! 義工用咁多心機救返d貓養到佢地肥肥白白靚靚咁俾人領養, 竟然係送佢地去死. 好傷心呀!! 認住佢呢個賤樣!

引用:

Wednesday, March 25, 2009

Shoe Shopping

心血來潮, lunch time又走去買鞋!!!!!!! yupee!

今次都係jelly beans, 收到email 間鋪頭要裝修, 所以鞋 $199!!!!!!

boots $299!!!!!!

哇哈哈哈哈哈!!!!!!!!!!!!!!!!!!!!!!!!!!!!!!!!!!!!!!!!!!!

dancing shoes~~~~ 返屋企再試多次, 似乎幾舒服喎!!!

返工shoes! elegant得黎有色水, i like it!

好舒服既船踭! 呵呵呵呵呵~~~


埋單$597!!! 平時買一對都唔止! 好開心呀!
Posted by Picasa

Sunday, March 22, 2009

Art jamming 2009

早幾日同同事去左art jamming, 好努力地畫左幅大作!!! 我畫左好耐呀, 個個畫好晒嘆緊wine, chat緊, 我仲未畫完...


我見今次畫得幾滿意, 特登寫大d個簽名!!

有人讚我幅畫呀, 好開心!!! (咁大個一第一次冇俾人笑自己d畫)

geebu:"mami, 點解幅畫咁似我既?"
Posted by Picasa

Monday, March 09, 2009

eye lash extension!!!



上星期六發左癲走左去痴假eye lash! 痴既時候, 合埋眼, 覺得有dd痛, 感覺好似唔用潛水鏡游水咁.

整完出黎, 又真係長左好多咁喎... 不過頭幾個鐘隻眼好似唔係好舒服咁.

跟住成個星期d假毛甩左少少.

雖然整左係幾正, 又唔洗搽mascara, 又唔洗搽eye liner, 但係都成日要留意住睇下佢有冇甩甩地咁. 同埋唔可以濕水, 好唔方便.

第一晚沖涼, 我仲痴線到帶住個潛鏡..... 不過, 當我望見鏡中既自己, 感覺非常白痴, 太低b喇!!! 最終除返個潛鏡落黎, 唯有小心d洗頭.

我諗我都唔會再做lu... 好似要時刻睇住佢咁...

唯有再開始我既eye lash 自然生長project啦!!
Posted by Picasa

Sunday, March 01, 2009

肉隨"針"板上....



原本係超級興奮等返學. 俾晒錢, mark晒schedule, additional o個個pre-requisite都俾埋錢等上堂.

點知一個電話, oh, 原來你個pre-requisite唔可以同regular course一齊讀, 美國o個邊一定要你讀左個pre-requisite先.

就係咁, 我就要shift遲半年先grad到喇.

心裡超級唔順氣, 點解之前又話可以一齊讀, 俾晒錢之後先話唔得.

又send reference letter又搵九萬幾樣proof, 都冇得傾.

好似俾人"gum"住黎搶錢咁, 你唔讀?! 得, 不過有d course冇得refund.

書我會照讀. 不過希望唔好再咁多枝節.... 好煩呀.



------------------------------------------

今日上課, instructor其實教得幾好, 不過d英文有少少攪笑.....

佢d"假鬼佬"口音.... 我聽得少少辛苦... 咩係market praise?!

原來係market price....



Posted by Picasa

Friday, February 06, 2009

2009 新開始

2009年既新開始, so far so good!

年宵又係去維園血拼!! 最緊要係買返兩對毛毛拖!!

暴力熊同你拜年, 祝大家身體健康, 心想事成.


大口扒祝大家口大食四方, 笑口常開.

開始左新工喇! 返左一個月. 各方面都好o岩我呀. 做既係同finance system有關既野. 大開眼界.

不得不confess一下.... 從前的我係以為finance/account/economics只係比pure math 淺既簡單野. 但係, 我係大錯特錯!!

原來economics, investment analysis都係好有趣既學問, account更真係一行專業, 唔係+ - 數, 長短腳咁簡單!! 相比起it, finance area 原來都有好多變化, 而且好似仲切身d. 原來我以前係多麽的膚淺呀!!!

apply緊d course黎讀, 希望順利啦. 不過要慳d lu....


**************

星期一同pat pat同幾個同事去左間bar度跳salsa, 好好玩呀!!! 會再去玩呀!!

**************

Posted by Picasa

Friday, January 02, 2009

澳門遊

同pat pat去左澳門飲飲食食. 食左超多野呀...

2點幾去到六記, 先知佢地開6點半. 六記既職員好好咁介紹我地去附近一間茶餐廳. 餓昏的二人即時衝去!

唔記得左個名既茶餐廳(六記附近行一條街)

1 - 我叫既天麻村弓魚頭米. 個湯都幾好飲同埋應該冇味精. 為經常頭痛既我打返個底先!! (但係我好怕食魚頭魚雲架..., 不過為左個頭, 都要食)
2 - pat pat既花枝抄米, 佢話好甜喎(即係唔好食). 同埋d花枝都幾"un"呀

榮記豆腐花

可能因為大多人, 整唔切啦, 今次d豆腐花係零分!!!

3 - 榮記, 我地食過好好食既豆腐花, 又滑又有豆香. 不過, 今次係勁失望囉!!!!
4 - d豆腐花好似用粉沖咁, 好難食呀!!!

李康記豆腐花

5 - 李康記係好多人推介, 大讚既豆腐花店. 因為佢d豆腐花勁滑喎, 不過缺點係得個滑字冇豆香.
6 - 真係勁滑!! 但係又真係冇豆香.

所以如果榮記做返水準, 應該榮記會好食d.


1,2
3,4
5,6

跟住我地去左檀香山咖啡飲左杯野 (pat pat鍾意佢d咖啡到不得了). 然後就趕去六記!!

六記

蔡瀾介紹過既地方都係迫爆人. 6點半先開門, 我地6點20分去到己經冇乜位. 好彩俾我地搵到一張table!

叫左雞腳豬腸, 炸yun yeung (炸鯪魚球+炸雲吞), 雲吞撈面同水蟹粥

雞腳豬腸 - 嘩好味呀!!! d雞腳燘到好林呀! d汁同平時o個d有少少唔同, 但係我又食唔出係乜野喎. 豬腸又係我平時唔多食既野, 不過都好味食左好多

炸yun yeung (炸鯪魚球+炸雲吞) - 呢兩樣野都係我完全唔鍾意食既野. 平時我多數俾晒pat pat食, 佢就好鍾意. 不過!!! 特登黎到都要食一粒! 嘩, 佢真係整得好好食. 我本來勁憎鯪魚球係因為平時食親都實有d魚骨碎o係入面, 本應啖啖肉既fish ball有骨真係令人好不安. 所以直頭唔食. 唔食炸雲吞係因為我覺得炸到d雲吞脆晒好似唔知似乜咁. d雲吞皮咁脆做乜jet. 不過佢都整得好味, 我都食左兩舊.

雲吞撈面 - 呢個好好味呀. 佢d面真係應該自家手打出黎. 雲吞d皮係薄到冇人有. 真係好好味!!

水蟹粥 - 100 分呀!! 我其實未食過水蟹粥, 因為聽人講有d鋪頭會返用d蟹殼, 好驚架嘛, 所以平時唔敢食. 但係呢度d蟹係啖啖蟹肉, d粥入面有蟹黃tim架!! 真係好香好香好好味!!! 個人覺得叫兩碗好過叫一窩, 因為一碗一隻蟹一個人食(我地叫左兩碗!!), 一窩兩隻蟹但係份量係4-6人食, 分薄晒d蟹呀!!



本來食完六記飽到爆肚, 我死都要去食杏香樓(糖水), pat pat收錯風話o係三盞燈, 我地行左粒幾鐘都搵唔到. 最後只好返酒店啦...

檀香山咖啡

pat pat 勁愛佢既咖啡, 第二日我地黎左再飲!! 仲食左個唔多辣既辣魚包. 不過咖啡真係好飲. Pat pat 仲買左兩包咖啡豆返去tim呀.

除此之外, 我地仲去左營地街市(又係蔡瀾推介), 多人到暈呀!!! 不過我覺得麻麻地.
跟住去手信街行下啦, 點知行下行下, 俾我地見到間杏香樓喎!!! 原來pat pat之前攪錯左, 個地址唔係三盞燈呀! 杏香樓又係迫滿人, 我地又好彩地搵到位喎!! d糖水好好味呀! (食左椰汁蛋白杏仁茶, patpat要蓮子杏仁茶).

成個澳門遊, 我最回味係個水蟹粥呀!!! 好好味呀!!!
Posted by Picasa