C'est mon première blog et je voudrais prendre ce blog pour me souvenir les petit choses dans ma vie

Sunday, August 26, 2007

又有好野食....

大約兩星期前, 我o係u magazine度睇到一個好似好好味既recipe, 係魚香爆雞翼. 嘩, 我見到即刻借d '二' show俾pat pat睇啦..

我:"我見到有個recipe好似好好味呀, 好想食呀. 我一陣去買晒d作料黎整先"
pat pat:"等我睇下... 哦..............好易即. 洗乜買晒咁多作料即, 用xxx去代替yyy咪得囉, zzz我地屋企都有啦..."
如是者, 最後由本來我黎煮.... 變左做佢煮喇.... yeah!!!!

但係我都好有心機咁整左個牛油果salad架. 都好味架..


廿隻雞翼!!!! (有多位人仕問我兩個人點食咁多雞翼. no problem喎, 廿隻唔係好多o即.)


黑黑地o個d唔係焦呀, 係咸魚, 加左咸魚後, 勁香!!!


全成喇. 有魚香雞翼, 牛油果salad, 仲有cous cous. (o個d好似飯o個d唔係飯黎架. 係cous cous, 易煮好多, 5分鐘攪掂, 又有食飯既感覺)
Posted by Picasa

Friday, August 10, 2007

八號風球!


今日係星期五, 成個星期都好忙. 尋晚更加開會做野攪到2點幾. 本來一心諗住今日攪埋d手尾, 開開心心爆做跟住過weekend.

lunch仲同同事好開心咁去左食日本野. 嘩!!! 好好味呀!! $160 唔係平, 但係水準, 份量, 樣樣都非常之咁好. 我係食到爆肚, 同事都有點點吃驚. (但係真係好味過, 我唔捨得食剩呀..)

點知, 食完野返緊途中, 就見到難民潮, d人好似走難咁.... 肥美打俾我話"車上面d人話打八號風球喎!!!". 點知真係!!!

yeah, 高高興興返去, 未做完d野都算啦, 話知佢. 搭3:15船返去... 點知.....

我就好似坐足35分鐘過山車咁.....

小朋友本來好high咁咭咭笑又叫, 過左廿分鐘後, 一個大浪, pow到大家pat pat離開左張椅, 小朋友開始喊喇(抵死, 死仔/女包!!!!).... 而我... 隻手出力捉住椅柄.... 大力大力深呼吸.... bill冷汗... 雙腳有d"吉吉"地既感覺.... 我仲feel到條腸係咁郁..... 我... 我要... 嘔喇!!!!!!

我用力mute住個口, 雙手狂搵膠袋(好彩今日拎左兩個膠袋o係身!!!), 拎到出黎"pou"一聲, 嘔晒d野入去.....

$160既燒牛仔骨(我好努力咁食晒佢架... 仲"lun"埋骨架...), sashimi, 魚餅, 好好味既奶茶呀................ 就咁就冇左.... 食左入去... 又吐出返黎.... 可唔可以拎返袋野去換返$160呢....


o係船上拍既... 去到48秒後就有幾野大浪... 平均一分鐘一個大浪.

返到黎... o係樓下望上去... 點解我地個遮太陽網唔見左架!!!!!!!!!!!!!!!!!!!! 仲有條鐵柱呢?!
嚇到我標上去, 一放低野就上天台睇下乜事.... 條鐵柱甩左出黎..... 我即刻拎野剪左個網, 好彩條柱只係o係我地個天台度fing下fing下... 如果飛左出外面.... 就大大鑊....

唉..... 攪掂晒d爛攤子, 沖返個涼.... 先可以休息下.....

Thursday, August 02, 2007

買鞋買買買 第二擊!!!

工作stress out, 做到發晒癲... lunch既時候拎起電話銀包就跳左上電車, 直到灣仔. 買鞋去也!!!

好彩lunch time冇人, 任試任照, 唔洗幾廿個女人迫埋一齊好似餓狗搶屎咁. 最後埋單$1790, 四對鞋!

第一對, 平底紅鞋子, 襯裙一流!!!

第二位佳麗, 吋半船踭唔知咩皮, 但係舒服到著到唔想除落黎. (最後我係著住呢對走). 真係舒服到你唔信, oh my god. 張相d quality麻麻, 但係真身好靚架! 跑住黎追船直情唔知自己著住鞋!!!

三號, 呢季會流行既綠色小小斯文鞋, 襯裙襯褲都good!!! 收腳形收得幾好, 少少elegant, 唔洗變elephant(腳).

呵呵, 美艷既四號, 香檳金閃閃閃小姐. 冬天想靚d就襯裙+絲襪, summer襯黑色one-piece裙都好靚架!!!


返到公司, 忍唔住俾同事們睇呀!!! 大家都話抵喎!! 呵呵呵....
Posted by Picasa

Saturday, July 28, 2007

Harry Potter and the Deathly Hallows


先不提我有少少傻地訂書, 比人買貴左$100 (不過我買到呢個adult version, 都算啦). 星期六(21/7)10am去到page one拎書, 好彩唔洗排隊....

由星期六晚開始, 每一日我都狂睇, 我仲特登請左星期一假去睇書, 終於到星期四先睇完... 呢幾日我唔睇新聞, 出街就塞住個headphone聽歌, 搭船又唔敢望人地睇緊既報紙, 星期二一返到公司就係咁send email俾同事叫佢地唔好講個結局我知... 日日都心驚膽顫咁呀... 好彩終於都睇晒喇... 了左件心事...

以下係少少既讀後感, 如果你唔想知到個故事, 就唔好睇落去喇.... (以下只係個人既感想)

...
...
..
.

一開始到後半部, 都寫得幾刺激, 有少少唔開心就係hedwig死左. 嗚... 白雪雪既貓頭鷹, bye bye.

但係去到最後幾個chapter, 我開始覺得有d混亂... rowling e e, 到底是你飲醉左還是我看到頭昏腦脹... 何解最後幾三四個chapter 莫明奇妙地既矛盾, 又有點牽強呢....?

首先... .harry有voldemort既soul, good, 大家都估到, 但係如果你話因為咁, voldermort支wald 發出去既curse就因為sense到附o係harry度既靈魂而俾佢反彈 (大置上係咁, exactly可能有少少唔同, 我懶得quote 返o個大篇解釋出黎 ). 咁harry就無敵啦, 仲有乜好講呀...

跟住, 點解harry可以唔洗死呢, 一日仲有o個一片soul痴住o係harry度, 咁voldermort就即係仲未死晒啦... 咁同成個harry potter故事一開頭有乜分別呢.. 咁呢7本書咪講左等如冇講. 佢係要死就係要死, 點解阿rowling e e成日都俾d fans影響到d內容呢... 無啦啦話harry唔鍾意周清鍾意左ginny已經好奇怪, 而家fans乞求唔好整死harry, 咁你唔整死佢都要俾個完到場既理由架... 而家就好似側側膊當無事發生咁...

仲有king cross o個個chapter, rowling e e, 如果你覺得dumbledore咁重要, 你就唔好俾佢死, 但係唔好用埋d低手方法去攪個"靈魂對話"咁既情節出黎啦.... 或者可以諗個合理dd既方法去交代dumbledore o係呢個chapter度所解釋既野. 死左又死唔晒咁, 攪到之前睇half blooded prince 為dumbledore流既眼淚好似好白痴咁....

最離奇又係最離譜既就係(呢個我真係好懷疑自己睇漏左d野, 如果屬實, 真係請大家話聲我知) - 明明上一個chapter話隻附左voldermort一片靈魂既杯俾人"stolen"左, 明明寫係"stolen"左喎... 唔係跌左喎... 點解跟住o個個chapter阿hermione同ron可以勁開心咁拎住個爆左既杯黎話佢地已經k.o.左呢個horcrux呢? 唔通rowling e e 唔記得左!? 咁但係冇理由d editor/proof-reader唔發現架...

成本書其實係好睇, 不過尾o個三,四個chapter真係睇到我暈晒... rowling e e, 雖然你可能想keep住harry條命俾你搵多d錢, 但係下次不如用返d高手少少既方法丫...
Posted by Picasa

eye lash 計劃 (久不久update)


哈哈哈哈!!! 又長左!!! total (由一開始搽到而家) 長左2.5mm!!!!!! 不過我呢兩個月都冇乜點搽. 呢張相都係兩個月前影既.
Posted by Picasa

Sunday, July 15, 2007

偏頭痛 Migraine


星期四晚, 食完一大包chips後, 個頭就開始痛. 沖完個涼食兩粒panadol就訓.... 點知訓醒一樣痛... 但係有個幾緊要既會, 所以就照返工... 一路都痛... 越黎越痛.... 雙眼開始對光線好敏感, 唔可以望光既野... 最後都頂唔順, 返左肥美度....
其實頭痛痛到咁對我都幾平常, 大概由大學開始就時有大大小小既頭痛... 有時痛得滯, 有一邊眼, 眼眉附近, 眼窩位都會好痛, 好似有人想挖我隻眼出黎咁... 跟住就會開始嘔...
o係中環睇過幾次醫生... 佢d答案都係... "傷風感冒都會令人頭痛既, 都係要靠你本身抵抗力". 有時佢仲以為我想騙張醫生紙. 大佬, 我都未開口問, 而且o係我公司請一日半日sick leave係唔洗醫生紙架!!! 有時寧願由得佢痛都費時睇醫生激氣...
平時通常訓一大覺或者過一日就冇事, 但係今次真係好痛... 訓左兩三個鐘... 訓o係床度好似冇乜野啦... 點知一起身就痛到不得了... 跟住就開始嘔... 嘔呀嘔呀.... 跟住落左樓下睇靚仔醫生...
靚仔醫生問左我一兩個問題... 跟住諗左一陣, 再問... "係咪通常一邊痛, 同埋o係眼部對上", 我話"係呀係呀!!!! 有時痛得緊要仲會嘔". "有冇試過睇野連d影像都變埋, 例如直線變由線, 或者時光時暗", "時光時暗都試過... 同埋見光就痛得好緊要... 或者聲音都會令我更痛..."
跟住佢話... "應該係偏頭痛, 太緊張就好易發出黎... relax d啦... panadol對偏頭痛係起唔到作用既. 要食偏頭痛既藥至得. "

出到診所... 雖然都仲痛, 但係我真係錫晒靚仔醫生, 佢不但幫我搵到頭痛既原因, 我仲好似出左啖冤屈氣. 中環的醫生, 食屎吧!!!!

晚上, d藥既side-effect令我有少少唔舒服, 但係起碼個頭冇再痛. thank god!!! 跟住我就上web睇下偏頭痛既資料喇... 同大家分享下啦..

"偏 頭 痛 (Migraine) 源 於 希 臘 文 hemi.CranIUm, 意 指 ( 半 個 頭 ) , 因 為 這 種 頭 痛 引 起 的 劇 烈 刺 痛 總 是 發 生 在 頭 的 一 側 , 而 且 常 集 中 在 一 隻 眼 睛 上 面 。 偏 頭 痛 的 形 態 有 好 幾 種 , 最 主 要 的 是 (般 性 ) 和 ( 傳 統 性 ) 兩 種 , 9 / 10 的 病 例 都 屬 於 前 者 , 它 發 生 時 毫 無 前 兆 , 而 且 可 持 續 數 小 時 或 數 日 之 久 。 而 後 者 出 現 時 則 有 15 - 20 分 鐘 的 前 驅 症 狀 ( 即 ( 先 兆 ) ) , 通 常 是 視 覺 上 的 , 例 如 眼 前 出 現 星 星 和 閃 電 般 的 亮 光 , 以 及 模 糊 或 扭 曲 的 視 線 。有 時 候 , 偏 頭 痛 還 會 引 起 臉 部 的 麻 木 及 叮 痛 感 、 一 隻 手 臂 或 腿 部 的 極 度 衰 弱 、 一 隻 眼 睛 看 不 見 , 或 兩 眼 都 只 剩 一 半 的 視 力 。 各 種 偏 頭 痛 還 常 常 引 起 情 緒 上 的 變 化 , 例 如 抑 鬱 、 易 怒 或 喪 失 食 慾 。 尾 隨 上 述 症 狀 而 來 的 就 是 頭 部 疼 痛 、 惡 心 感 及 嘔 吐 , 而 且 通 常 會 持 續 4 - 1 2 個 小 時 左 右 。
........
患 者 應 避 免 食 用 含 大 量 酪 胺 的 食 物 , 例 如 陳 年 乳 酪 、 巧 克 力 、 熱 狗 、 培 根 肉 及 含 亞 硝 酸 鹽 的 午 餐 肉 片...
.....不 過 在 另 一 方 面 , 吃 某 些 東 西
可 能 會 幫 助 舒 解 偏 頭 痛 , 例 如 每 日 服 用 20 公 克 的 Omega.3 魚 油 膠 囊 ( 劑 量 極 高 ) 可 減 少 發 作 的 次 數 並 降 低 嚴 重 程 度 , 原 因 是 它 可 改 變 前 列 腺 素 和 leukotriene 分 泌 量 之 間 的 平 衡 關 係 , 這 兩 種 由 人 體 製 造 的 物 質 會 影 響 免 疫 系 統 的 功 能 , 而 免 疫 系 統 會 影 響 偏 頭 痛 的 發 生 與 否 。 "
Posted by Picasa

Monday, July 09, 2007

咖喱雞翼!!!!


今日星期日, 我神咁早9點就醒左訓唔返.... 冇辦法唯有去洗衫....
o係呢度洗衫並唔係你想像中咁簡單, 大熱天時要上天台, 一上一落都出晒汗. 就連平時汗都唔汗下既我.. 洗左三機衫後, 都熱到濕左少少.

洗完三機衫, 洗埋貓厠所, 放埋第四機, 已經就黎1點... (點解咁多衫洗? 成兩個星期冇洗過衫喎.... 差唔多啦... ). pat pat 終於起身!!!
去左bookworm食lunch, 返到黎又繼續洗!!!!! (冇錯!!!! 我地真係有好多衫洗架!) 又出去門口放硫磺.. (硫磺呢樣野就遲d先講...). 攪下攪下就成6點啦....

可能見到我成朝做得咁辛苦, pat pat 話想煮野食喎 (YEAH!!! 勁好!! 又有好野食). 咁諗下諗下就去左買材料喇!!

----- 今餐係 -----
APPETIZER: 焗薯條 (勁香口又健康!!!)
MAIN COURSE: 咖喱雞翼 (唔係講笑, 真係好好味)

好好味呀... 食到我勁滿足.... 我完全唔知點可以將生既雞翼整到最後變左上圖咁... PAT PAT實左太西利喇!!! 我係食得勁滿足!!! 令我諗起野田妹....

今日下午同個舊同學MSN, 講起"交響情人夢"呢套日劇... 佢話入面既野田妹令佢諗起中學時期既我... 盈米話我個同學應該係指野田妹既"嗚WERE" 同埋"垃圾堆中彈琴"既情景 (因為我屋企個琴的確俾好多好多雜物包圍住... 我係跳上張琴椅先坐到入去既). OH, 可惜我唔係野田妹咁係天才.


焗薯條 (PAT PAT先用少少油爆一爆D生薯條, 再放入焗爐, 面頭洒上SALT.)


為左令小鬼唔好煩住我地食野, 我地開魚魚俾佢地食.. (大家一齊食大餐!!!)
Posted by Picasa