C'est mon première blog et je voudrais prendre ce blog pour me souvenir les petit choses dans ma vie

Showing posts with label 瑤書 Le livre. Show all posts
Showing posts with label 瑤書 Le livre. Show all posts

Friday, June 22, 2007

Can you keep a secret?

你有冇secret呢... 心底入面有冇d小小既secret好似下面既咁呢...
"Coffee at work is the most disgusting stuff you've ever drunk, absolute poison..."
"... have a secret code with colleague, such as 'Can I go through some numbers with you' actually means 'Shall we nip out to Starbucks'...."
"... sometimes I water my colleague's plant with orange juice...."
"... sitting in a meeting while everyone is babbling things like 'logistical'... 'strategic'...while I've got no idea what-so-ever they are talking about..."

故事由主角Emma賴勁咁出 trip 同個客sign 一份contract開始, emma滿心歡喜以為呢個係升職好機會, 點知炒大鑊不特止, o係飛機上仲遇上氣流, emma以為死梗就癲左咁捉住旁邊既乘客仲一次過將心裡面所有既secret講晒出黎.....

呢本書係我其中一本俾5粒星既書, 雖然佢係八婆書類, 但係裡面超級攪笑, 但又切身既情節, 令我覺得自己就係emma, 內客並非純粹攪笑, 又有起伏, 有浪漫, 有激氣, 明明emma滿心歡喜以為有機會扮一個"complicated, sexy, wise business woman"咁出現公司party, 點知180度反轉, 老細要佢扮白雪公主(有d同事仲要扮哥斯拉), 要佢sit counter派果汁. 總之有浪漫既感情線, 又有睇到你好肉緊既八婆鬧劇, 講公司開會既篇幅我係absolutely身同感受, 睇到我又笑又叫又肉緊. 就算你唔睇開八婆書, 呢書真係一本令你睇得開心既書, 我o岩o岩再睇第二次, 依然攪到我失驚無神笑到咯咯聲嚇到pat pat以為我痴線.

***** - 五粒星呀!!!

Tuesday, May 15, 2007

Animal Communication

上了animal communication 的beginner part 1 & 2. 一直想寫寫上課後的感受, 從未下筆是因為礙於這topic比較大爭議, 有少少驚朋友會以為我上了那些吸血洗腦痴線course, 不過後來想想, "車, 呢個係我個blog, 關其他人咩事, 唔鐘意咪唔好睇囉", 所以都寫啦!!

其實識我的朋友都知道我從前有一隻鼠叫"屎忽". 屎忽係一隻醒目仔, 好聰明, 都係因為屎忽, 令我感覺到動物真的有自己的性格, 思想, 細如一隻小小的鼠都有自己的想法. 到後來有了geebu bujil後, 由於她們的性格勁"明顯", 令我更加想知道她們小頭裡到底在想什麼, 平時有什麼需要/不滿. 從很多貓blog見過人討論animal communication的話題, 便報讀了beginner的課程.

我本人是相信animal communication的, 我的朋友有些半信半疑, 有些表現激動地表示懷疑, 有些覺得有趣, 有些以為我學識問米, 是但啦, 但不要跟我debate喇, 因為我覺得很浪費時間.

暫時我覺得我做的communication還ok, 但對自己的答案信心不夠. 早前幫同事問隻馬(我同事學騎馬的), 明明一條問題我見到的是馬蹄鐵, 但自己覺得好似跟問題沒有大關係, 怎知原來真係有關係架!!!

其實最難是問自己的baby, 因為跟她們日對夜對, 很多問題都有了自已既定的答案, 不過尋晚我同geebu傾左幾句..

<昨天夜晚>
geebu坐在細房window前, 被curtain遮掩住, 沉思中...

我四處找她, 找到入房, 叫一聲:"geebu o係唔o係度"
"..............."
"geebubu~~~~"
"were-oa..."
"oh, geebu又睇街喎, 黑媽媽有咩睇呢..." (跟住我便摸摸她背, 試試跟她傾..)

(以下是我的communication, 其實我都只係試試, 因為我對自己都仲係冇乜信心)
"geebu, 做乜野呀, 係咪唔開心呀?"
"嗯... 你地成日抱我... 我唔鐘意"
"哎唷唷... 咁人地肉緊丫嘛... 錫你先抱你o者"
".........................................."
"一係咁啦, 我唔抱你, 但係你陪我多d丫, 即係好似如果我坐o係sofa, 你陪我坐下丫"
"嗯... "(跟住我就出返去, 執下野寫下blog, 攪左一陣, 就去沖涼喇)

沖沖下, geebu竟然入左廁所!!! (我有時沖涼只係虛掩度門, 因為bujil係好鐘意陪我沖涼, 但係geebu就從未試過..)
geebu仲坐左o係廁所上, 好安靜咁...

(嘩!! 好開心呀!!)

Tuesday, May 01, 2007

And Then There Were None


故事環繞住一首童瑤:

Ten little Indian boys went out to dine;
One choked his little self and then there were nine

Nine little Indian boys sat up very late;
One overslept himself and then there were eight

Eight little Indian boys travelling in Devon;
One said he'd stay there and then there were seven

Seven little Indian boys chopping up sticks;
One chopped himself in havles and then there were six

Six little Indian boys playing with a hive;
A bumblebee stung one and then there were five

Five little Indian boys going in for law;
One got in Chancery and then there were four

Four little Indian boys going out to sea;
A red herring swallowed one and then there were three

Three little Indian boys walking in the Zoo;
A big bear hugged one and then there were two

Two little Indian boys sitting in the sun;
One got frizzled up and then there was one

One little Indian boy left all alone;
He went and hanged himself and then there were none....

這次故事跟金田一的荒島殺人故人很相似, 十個互不相識的人被邀請到一個荒島去參加派對, 正當大家興高彩烈地暢飲時, 突然一把嚴厲的聲音, 一一將他們的殺人記錄公佈出來, 一眾還未定過神來, 其中一住男子, 高聲自認自已車死一對小兄妹, 大喝一口酒後便嗆住, 死了....

受害者接二連三地出現, 到最後... 到低神秘的屋主是誰?!

如果你會看這本書, 或還未看完, 便不要繼續往下讀了... 知道太多內容就沒趣嘛...

.....
....
...
....
...
...
...
..
..
..

這本書, 看得我自己都開始疑神疑鬼起來.... 的確一開始跟金田一漫畫差不多, 但慢慢一個一個受害人出現, 生還者有如困獸鬥, 明知其中一人是凶手, 但到低是誰?!
看小說比起看漫畫最大的好處就是, 即使人物性格不同, 但你不會像看漫畫一樣一看便會知道那幾個畫得最"求其"的, 必定當"炮灰". 而agatha婆婆這次並沒有一個偵探的角色, 基本上所有人物她都會有作第一身的篇幅, 所以讀者很難會有bias, 一路看, 一路覺得入面每個人都有可能是凶手, 但劇情峰迴路轉之下, 又好像無任何一位可以做凶手, 難道有第十一個人?!

一路本住看金田一的心態去睇, 一心以為大約死剩4,5個人便會開故, 點知... 死剩4個, 3 個, 2個, 1個... 連最後一個都死埋!!!! 全島人死清!!!!!! 都未知凶手是誰?! 唔係呀fa!!!!! 真係睇到個心有少少狂跳!! 好驚呀!!!!

尋晚成晚心跳加速之下完成全書... 睇完我真的有點shocked... 又有少少驚... 看畢最尾凶手的自白書後, 反覆回想書中的情節, 嗯, 要根據書中的計劃去辦案, 需要有很多彩數跟巧合, 但agatha婆婆的報局精心, 好creative呀!!! 真的被她嚇親, 說的並不是情節恐怖啦, 只是沒想過可以將事情反轉再反轉, 結局真的估唔到!!

呢本書非常值得推介!! 俾4粒星呀!!!

Wednesday, April 11, 2007

Why didn't they ask Evans?

 


剛剛k.o.掉Agatha婆婆的"Why didn't they ask evans?". 故事講Bobby 於一次事件中於山崖下發現一位跌下山的男子, 這位男子斷氣前向bobby大叫了一句"why didn't they ask evans?", 就令bobby被神秘人追殺, bobby的兒時好友, frankie, 一位勇敢正義的千金小姐, 決心同bobby一起追查想暗殺bobby的兇手, 竟發現跌落山崖那位男子原來是被人謀殺!!!

這次agatha婆婆並沒有姿整Poirot或精明jane姑媽去追兇, frankie跟bobby就像跟讀者一起推理, 一起找出兇手, 過程很刺激驚險. 今次比起以往看過christie婆婆的書更投入, 情節緊湊得多, 尤其一開始"why didn't they ask evans?"這句話拎整個故事充滿懸疑神秘氣氛, 看得我很投入呀!!!

我跟盈米b米對看書的taste很不一樣, agatha 婆婆其實是盈米的favourite, 我只會找些看過briefing後很感興趣的來仔細看. 而盈米b米更會寫起讀書報告跟年尾看書回顧, 我自己比較喜歡八婆書種, 科學/死人冧樓/harry potter 等書, 但很多時看完便算, 剛看完這本書, 少有的感到很投入, 所以便試試學人寫寫閱讀報告了....
Posted by Picasa