C'est mon première blog et je voudrais prendre ce blog pour me souvenir les petit choses dans ma vie

Sunday, September 28, 2008

生日禮物!!!!

尋晚pat pat突然問我想唔想早d收生日禮物....

我心諗:"(梗係你買左勁興奮忍唔住要快d送俾我啦)"
我話:"點解要咁早送先"
佢話:"你會開心d囉"
我話:"會架咩? 會唔會咁快驚喜完, 到生日冇晒mood咁架"
佢話:"唔會架, 可以keep住你開心架"

咁好啦!! 你送啦!!!! 係至好呀!!!


佢要我合埋眼等佢喎...

跟住有d野放o係我個頭上面喎... 我心諗:"(你唔係又買返架電單車, 跟住送個頭盔俾我嘛, 咁似送野俾你自己多d喎)"


跟住嘩..... 做乜個頭盔會郁架!!!!!!!!!!!!!!!!!!


原來係osim既uCrown呀!!! pat pat 知我經常受頭痛困擾, 佢買左個頭盔俾我按摩個頭呀!!!!!!
個頭盔有relax既音樂啦, 會按不同既穴位, 包括太陽穴, 眉上既穴, 頭頂既, 頸背既(呢個係好重要, 我次次migraine條頸背都痛到飛起). 仲會o係穴位發熱去加強血液循環.


太細心喇!!!!!!!!!!!!! >O<

好舒服呀!!!!

以後頭痛唔洗怕!
Posted by Picasa

2 comments:

Anonymous said...

好正既生日禮物呀!個頭盔好有太空feel,襯晒而家既神七熱呀!
妳要戴多d,咁個頭就痛少d!
提早祝定妳:Happy Birthday~!!~

Nicole 瑤瑤 said...

多謝呀!!!!! :)

希望d煩野快d走咁個頭又會痛少d!!!