C'est mon première blog et je voudrais prendre ce blog pour me souvenir les petit choses dans ma vie

Friday, March 30, 2007

New York Conference 2nd day

一早起身, 食返個勁抽早餐先!!!
今日係conference既第一日, 其實成個conference得兩日. 今次既目的除左要了解多d呢個topic之外, 仲要利用conference去識多d呢方面既人士, 仲要試下invite其他公司同我地做project.... 即係要周圍識人....

一朝早去到8am, 好多人呀!!! 原來都有幾多日本人喎(比我想像中多), 好開心呀, 因為我地AP最好就係搵到D ASIA既VENDOR或者PARTNER, 但係... 點識佢地呢...

一講到主動同人傾偈同識人, 西方人真係叻好多. 佢地可以好自然咁JOIN到一堆人, 又可以好自然咁搭訕, 跟住又會好自然咁介紹自己, 伸出手握手同交換卡片.... 呢幾樣野, 真係要學.... O係場內見到日本人自然地坐埋一齊... 兩個星加坡人就自成一角. 我拎住杯COFFEE, 周圍行左陣, 就搵左張枱坐低, 過左一陣, 同枱有個男人就開始同我講野, 我心諗:"YES!!!! 太好喇!!!" 跟住有另一個男人又一齊傾左陣, 拎左佢地既Business card, 雖然佢地唔算係我target要搵既人, 但係總算係有個好開始!!!

conference開始, 似乎d野都幾有用, 好留心咁聽 (真係好少有), 第一個section過左喇, 又到break時間... 又要搵我既獵物喇!!! 唔知做乜好, 咁就走左去拎coffee啦, 丫!!! 前面個男人拎轉頭同我hi, 咁又開始傾起上黎喇!! (我心諗:"yeah!!!! 太好喇!!!! thank god") 佢原來係plastic surgeon... 吓... nip/tuck ??? plastic surgeon黎virtual world conference做咩呀!?!?!??!?!?!??? 原來佢想用呢個environment黎做d marketing既野, 又幾好喎呢個idea!

一路同阿醫生傾到lunch, 完左lunch之後就繼續conference喇, 上堂恰眼訓既毛病發作!!! 中下中下咁, 中到break, 唉, 又唔知點算好, 咪行出去企陣囉... 企到break就黎完, 有個男人經過我身邊, 我咪笑一下囉, 跟住佢就停落黎同我傾偈(我又心諗:"太好喇, 我今次真係命不該絶"). 最最最開心就係, 佢都算係我要搵既人種之一!!! 係vendor黎, 最開心就係o係日本有office, 遲d會o係北京開多間, yeah!!!! 直情係執到金呀!!!!! 咁咪狂傾囉, 佢個同事又join埋一齊傾, 嘩!!! 樣樣野都好合乎我想搵既人咁, 我覺得佢地除左o係呢方理有經驗同pro之外, 仲好humble 好honest, 成朝既conference都有好多人係咁強調自己係"第一個o係virtual world度做乜乜乜既工司", "最大既乜乜乜乜" 咁. 但係都冇乜邊個俾到實在既野出黎. 第一個o係second life度做branding, marketing又點呢, 咁你實際從o個度gain既profit係乜野呢, revenue係幾多呢? 個個都話"it's going to be a really BIG thing in 5 years!!!"....... 就好似以前既.com時期咁, 個個一味話要做web, 冇目的咁invest落去...

但係呢間公司係幾好呀, 佢地諗既野creative得黎係practical. 跟住佢地仲介紹我俾佢地既partner, even competitors識. 開心到我癲呀, 45分鐘內拎左成10張business card. 仲要識左幾個日本人分別係唔同公司, yeah!!! 今次有功課交喇!!

當晚我地仲一齊食dinner, 佢地介紹我食日本野. 坐的士時個司機非常之唔好老脾, 好似傻傻地咁, 不過我覺得NY既的士司機好多都有問題, 一係就要TIPS要到出口, 一係就好似躁狂咁... 痴痴地..

講返呢一餐, 首先d野食係勁好味, 真係好好味, 雖然係貴少少, 但係同價o係香港都唔會食到呢個水準... 真係好好味呀!!!

返到hotel已經10點幾喇, 沖完涼仲要做少少野, 好攰呀...

總括黎講, 呢一日都幾好, 我之前係好擔心識唔到人食白果架... 真係太好喇!!!

要補充返前一日chicago, 有關男主角... 佢唱得雖然ok, 但係同richard gere比... 冇得比呀, 呢個男主角只可以叫做普通樣, 但係有少少金魚佬feel...

Thursday, March 29, 2007

Conference New York

星期二一朝早就出發, 坐15hr飛機, 飛到NY做呢個conference. 到達係太約2點, o係上機前我已經飛快咁買左本NYC既LONELY PLANET黎睇, 飛機上就睇下我到逹後唯一一個FREE既大半天可以點用, 第一個諗法就係去睇BROADWAY. 咁我最想睇邊套呢... PHANTON, LES MESERABLE同MAMMA MIA都睇過, 今次要睇我都好鍾意既CHICAGO!!! CHECK個THEATER O係邊度, 由酒店去係要點去, 點買飛, 一到酒店沖返個涼, 就跳上的士去BROADWAY!! 一路上就諗PLAN B - 如果CHICAGO冇晒飛就去CENTURY 21度SHOP下咁..
不過好彩買到飛, 係貴飛($USD118), 但係靚位黎架, 好近個台架!!!
買完飛, 只係4PM, 仲有少少時間, O係BROADWAY行下行下, 發現左間好大既M&M... 咪入去睇下囉... 其實我都唔鍾意食M&M, 但係佢入面D衫下用品呀, 又幾得意喎... 最後買左少少野... 跟住就去左間幾OK既餐廳食野... O係NY, 我就唔係好敢一個人去D舖頭仔度食野同坐SUBWAY, 上一次黎既時候見到好多怪怪既人O係呢D地方...

呢間RESTO叫OLIVE GARDEN, D野好食喎 (相片遲D補返), 服務又好好, 個WAITRESS好NICE呀!!!

先黎湯!! d包又係好好食.

主菜係ravioli, d牛好滑好香, 但係ravioli入面d cheese令人好快就有d"漏"..

返返THEATRE O岩O岩開始入去.... CHICAGO真係好好睇呀!!!! 太正喇!! 個人覺得, 同電影一樣, VELMA KELLY係唱得好D, 扮演ROXIE既呢位叫BEBE既演員似乎係好巴閉既... 佢既唱腔好比唱'日落大道/紅樓金粉(Sunset Boulevard)'o個首(With One Look) o個位老婆婆咁... 好沉好震, 同movie既roxie好唔似呀... 成個musical好有驚喜, 一個人去都睇得好high呀!!!! 散場後, 發現成條街多左好多人 (因為間間theatre都一齊散場), 搵左好耐都冇的士... 唯有勇d走去坐subway啦, 有個工作人員伯伯好好咁教我用credit card買飛, 一路都好安全, 最驚只係佢d站close既時間唔同, 我本來要o係cordlandt度落, 點知個站竟然close左, 只好後一個站落, 行遠dd啦.. 返到黎攪完一輪己經成2am喇... 聽日要勁早起身呀...

Wednesday, March 21, 2007

北京第四天

今日係北京工作既last day. 又係要好早起身... 但係心情係輕鬆返少少, 因為經過幾日既會, direction係清楚左d...

好眼訓... 上到車係勁想訓, 但係老細o係隔離唔訓得.... 尋晚做到我邊做邊"恰", 中下中下咁, 今日又係好冇精神, 頭痛又隠隠發作...

早上做左少少demo啦, 跟住我老細就要prepare 個presentation, 我就清閒少少, 不過雖然佢個presentation係幾張slide, 其實都要做幾多research, 跟住呢邊既同事又好勁咁翻譯晒佢, 下午就present左喇, 都唔錯..

到4點鐘, 都傾得七七八八, 交代好大家之後要準備既野, 握手, 散會, yeah!!!

呢個trip其實我一路都好confused. 大家一開始都唔知要有乜野output, 中間又出現好多突發既野, 真係好易會心臟病... 但係呢個係一個好好既經驗呀...

出得多trip, 個胆就自然會大起黎. 由以前坐o係自己位打個conference call前都要自己做定rehersal先, 到而家一大班人面前突然要present都可以彈起身話pre就pre... 真係唔多唔少多得呢d出trip既經驗練返黎...

返到酒店, 好累呀... 本來仲諗住去行下, 但係頂唔住要訓陣喇... 跟住就去lounge度食左d snack, 發現d snack仲好食過room service d野...

聽朝早機, 要快d返香港攪埋搬屋d野呀...

北京第三天

今日又係忙忙碌碌咁過左, 最慘就係要返黎酒店做野... 做到而家... 本來聽日返香港既計劃都postpone左, 星期四先返...

由於咁多野做, 又係room service啦... 蟹肉炒飯 + dun雪蛤 + 西瓜汁, 個炒飯 ->食屎吧, 我係見到有蟹肉但係成個飯連salt既咸味都冇.... 難食到爆炸!!!

痱滋依舊, 一路食一路痛仲要冇味, 痛都痛得唔抵.

訓喇... 勁勁勁眼訓....

Monday, March 19, 2007

北京第二天

今天一早起身... 尋晚唔夠訓攪到今朝一起身就頭痛喇.... 唯有死頂...

食完個早餐, 就同老細出發... 點解咁遠架... 坐左成45分鐘的士... 下次一定要叫agent book間近d既hotel呀...

一早同兩位人兄傾完後, 就要同local既同事傾喇... 我既impression係, initiate呢樣野既人同要同我地仔細傾既人都唔知到底要d乜同要做d乜. 一個一味話三日就會做好晒 (我心諗... 邊個promise過話3日會做好晒jet, 連個output要係乜黎都唔知). 唔係我地黎一黎就叮一聲攪掂食得咁架嘛.... 等我仲以為呢邊既同事比較passive, 要用d好pushy既手法先會做野...

點知一傾之下, 唔係喎.. 呢邊d同事好有心同我地解釋, 一開始大家係發緊夢唔知做乜咁, 不過好快就back to track...

最痛苦係下午要做個draft, 但係我真係覺得我老細好勁呀, 有d野如果俾我, 我就唔知點可以一group人咁做, 但係佢真係可以用到各人既長處, 最後都出到個draft出黎.

之後就再開會傾, 傾到6點...

總結今日做過既野就係, 開會開會開會... 頭痛頭痛頭痛....

但係我對呢邊既同事係大大改觀, 佢地俾我既感覺係proactive, 客氣但honest, 唔遊花園, 唔會講d野耍人. 雖然開左成日會, 但係我覺得有outcome呀, ok喎.

之後同老細一齊的士返黎... 北京塞車又係塞到癲左咁... 我個頭已經勁痛, 阿司機大哥為左幫我地快d到逹, 佢係瘋狂咁轉黎轉去, 轉入小街又轉出大街又轉入橫巷, 我勁想跳車呀...

返到入房, 終於到逹頭痛既終極 -- 頭痛到嘔... 唯有食粒藥訓陣...

訓醒, 唔出去食喇,... 唯有又叫room service....
竹笙扖時蔬 + 乜乜牛柳條 + 高麗蔘竹絲雞湯 + 飯
好味喎..

北京出trip

今日夜晚飛到北京, 呢度得五度ja!!!!! 上機前餓到爆呀.... 點知o係機上一坐低就訓著左... 迷糊間仲好似伸左個頭去隔離個肥男人度... 訓左好似好耐, 突然醒左... 原來隻飛機仲未起飛, 最後遲左20分鐘先升空...

香港離北京只係2.5小時, 呢次係我第一次去北京, 本來諗住可以遲一兩日先走四圍睇下, 但係呢排太多突如其來既野要做, 所以都係快快攪掂返香港好d...

一到酒店, 同老細約好聽日一齊出法, 就叫room service喇... 雲吞面+cheese cake +西瓜汁... 雲吞面既味精係勁到爆, 西瓜汁就ok, 對我粒痱滋有幫助... cheese cake...ok 啦...

其實我次次出trip前都會好down, 雖然出下去係好開心既事, 但係又會好驚d 野未prepare好, 又會有好多突發事件, 今次仲要出得勁急, 攪到我星期六日都要返公司做野, 所以呢三日我要對自己好d!!!

食完野, 癲狂咁msn完後, 就泡泡浴喇!! 佢今次不單止upgrade左間房俾我, 沖涼仲有浴salt tim!! yeah, 泡呀泡, 沖完涼後, "呼"返個mask先....平時o係屋企都冇耐性"呼"...

已經1am喇, 聽日仲要6點起身tim....

Sunday, March 04, 2007

睇屋...

呢排諗住睇下有冇大d既屋啦... 咁就睇左呢間.. 500呎, 三樓連天台, 最最最鍾意就係上天台既樓梯係o係屋入面架... 鍾意到爆..
上天台!
樓上仲有個閣仔, 放到張床架!!!
主人房又勁大, 呢度只係show到一半都冇... 仲有一大半未入鏡...

kitchen又大!

不過... 最大既問題係landload唔肯改裝石油氣爐 (kitchen and bathroom). 即係, 冇得用明火煮食, 同只可以用電爐沖涼. 但係咁點住呀.. 冬天用電爐沖涼... 電爐最多支持到5分鐘熱水... 咁不如沖凍水涼罷啦!!!

我地話自己俾錢裝, 裝完當送俾佢, 佢都唔肯.. 所以... 算把啦... 計返條數, 租雖平, 但係一切家電, 爐, 家俬都要買, 計返條數仲唔抵... 而且似乎業主麻麻地...

只好慢慢再睇下啦...
Posted by Picasa