C'est mon première blog et je voudrais prendre ce blog pour me souvenir les petit choses dans ma vie

Sunday, December 30, 2007

舊相 - 第一擊

由於呢兩日部電腦要rebuild, 整理d file時發現左好多好攪笑既舊相!!

曾經有兩,三年既summer, 我地係好瘋狂地去沙灘.... 諗起都開心.. 不過呢一兩年大家都好忙, 一班人一年去到一次都偷笑...

水底美態!

嘩, 好似影cd cover咁(唔係講緊我o個張)

海底 and pat pat


其實仲搵到好多, 遲d再post上黎....
Posted by Picasa

Saturday, December 15, 2007

袋袋...... le sac...

Le brand 'Gerard Darel'..... J'ai les trové dans mes magazines 'Elle'. Les sac sont trés jolis.....

mais pourqoui.... il n'y a pas de boutique qui vend ce brand à Hong Kong....... ahhhhhhhhhhhhhhh
(o係我d 法文version 既elle度搵到呢個brand - gerard darel. 發現佢d袋好靚呀.
但係點解... 香港係冇分店架... 攪錯呀.)


j'aime bourcoup ce sac 'working girl'. C'est practique!!!
我最鐘意佢呢個working girl!!! 又大又practical.


"36hr" est trés bon auzzi, mais Hori me dit qu'il est comme une 'dim sum' .
"35hr" 都好靚... 但係盈米話似蝦餃.

"24hr" patent est trés elegant!!!!!!! Je l'adore!!!!
24hr 漆皮呀.... 好elegant呀!!!
Posted by Picasa

Thursday, December 13, 2007

happy生日

pat pat生日呀, 我地一齊放假去玩一日.

先因唔知醒而要o係ferry用膳....

到喇!! 去玩去癲黎ocean park!!!! (disney去食屎)

詳細唔講喇. 大約係我地狂玩機動遊戲, "越礦飛車"幾好, 我俾一粒星!!!! "海盜船", 一粒半. "跳樓機"冇開所以俾唔到分... 其他負星星 (-ve), 因為一係零刺激, 一係一味暈死你, 一係令你個頭撞爆為止(---> 舊o個個過山車).
我一味話要搵次去外國玩d "真正的機動遊戲 ", pat pat就不斷轉話題. 我唔理, 點我都會搵次去玩, 大不了自己去.

跟住我地睇左海洋館海獅館鯊魚館水母館等等.... 同埋玩d小遊戲, 由於d獎品真係...... 俾我都唔要, 所以pat pat特登輸晒.

坐左cable car過去, 大部份地方都under construction. ocean park, 你要加油呀!! 我等緊你個resort建好, 咁我會買一年入場card去你度做spa.

panda館, 呢位小朋友唔知係盈盈定樂樂, 但係佢好攪笑, 好似bujil.


傻下傻下panda


神態勁似bujil, 大家都傻下傻下咁..
呆仔

大笑

得戚


離開ocean park


晚上, Ritz Carlton, semi-buffet


d oyster係勁好食呀. 我平時一d都唔食但係今日食左十幾隻.


鵝肝雲吞, 好味呀!!


主菜, 東星斑+大蝦



甜品 - 乜都有總之好勁好味


我地叫左一紅一白酒, 幾好飲呀. 食到爆肚咁返屋企.... 回程途中, pat pat好開心咁玩我送俾佢既禮物.. .攪到我都想買部俾自己...

更多既相可以黎呢度睇: http://picasaweb.google.com/nicole.leung/20071212LeoSBirthday?authkey=VuJLUSfMs_g

Posted by Picasa

Monday, December 10, 2007

嘩.... 你地做乜野?!

今朝早我出門口返工... 一開門...


見到...
...
..
.

呢兩個小朋友...
我忍唔住問佢地(我唔記得左佢地係狗):"你地做乜野呀"

小beagle係咁震... 灰白狗仔好慘咁嗚嗚叫.... 佢仲好識做..行開d俾我出門口..

好彩今日pat pat放假, 九點我就打返屋企叫醒佢, 由佢處理...
兩隻小狗好可愛, 但係佢地好似好慘咁呀... pat pat話小beagle想衝入屋!!!
可惜我地俾唔到一個家你地架.... 我家兩位悍婦必然要你求生不得呀...

打去lamma保護動物協會... 阿女士竟然叫pat pat自己帶佢兩個過去... 我地狗繩都冇條... pat pat硬著頭皮試下..
點知行左落去冇幾耐, 兩個小朋友又走左去.... 叫都叫唔住...
唉... 又唔係佢地主人, 又點會咁乖跟住你行呢...

後來協會打返俾pat pat, 話佢地主人搵緊佢地... 希望佢快d搵到兩個小朋友啦..
或者聽朝再過黎坐下, 我呢次會過去借兩條狗繩架喇...

晚上, 我整左三色蕎麥面, 好好味呀!!!!
Posted by Picasa

Sunday, December 02, 2007

不輕鬆的sunday

sunday嘛.... 本來應是輕輕鬆鬆的...

但係我由星期五晚返青衣時, 頭痛又慢慢發作...
星期六朝早起身已經痛到唔太可以企起身... 唔係好想但係都要見靚仔醫生...
又要食偏頭痛藥... 食完條頸同背會好攰好攰... 一定要訓...
好彩傍晚pat pat黎青衣接我, 順便食埋晚飯囉..

sunday起身, 其實都仲有少少痛, 不過好輕微. 死都唔想食藥. 我既對抗頭痛方法就係不停咁做野, 不過唔好睇書唔好用電腦.

先是狂洗衫, 食早餐, 再洗衫, 食lunch, 為左唔好俾自己冇野做, 我就整餅!!!
呢次係apfel stundel (apple studel). 好多年前整過一次, 狠狠地失敗. 今次再整只不過因為呢個餅都幾"晒"時間... 可以"磨"成個下晝.

"chow"粉! (今次都chow得幾好)


yeah! 頭痛byebye


整左出黎都似模似樣架, 但係真係"似"囉... 個皮太硬. 因為冇用豬油.


pat pat都食得開心.


其實我仲整左lasagne同雞蛋potato salad架. 咁就冇左一日囉.



Posted by Picasa

Tuesday, November 06, 2007

藍藍的故事

旅遊的相片,遊記, 還在整理當中. 不過近幾日於貓貓blog中知道藍藍的故事, 想跟大家share...

貓貓被虐待, 被殺害, 都不是這一兩天的事情. 我一直都有留意這類新聞, 但一直都不想寫, 因為這些事情真的很激氣, 很難過. 不過, 藍藍的經歷, 及他的發展, 令我覺得, 一隻小小一個月的貓貓, 比起很多"人", 堅強得多.

藍藍的兩隻腳掌, 被變態的"死廢人"無端端切下來. 一個人好地地無事做, 走去做這種事, 不是廢人是啥?
事情經過(轉載自rheavv 的blog): 藍藍 : 我不知道為什麼會給人斬了雙腿? (內有藍藍雙腳照片, 我個人不覺得血肉糢糊, 但看過後很難過)

今日的藍藍, 在暫托家庭休養, 我想講的是, 在所有不同的blog中的相片, 藍藍的眼睛, 不單是很漂亮的天藍色, 眼神中充滿好奇, 甚至一絲恐懼都無.
轉載自蓮媽的 blog: 藍藍近況匯報(5-11-2007)

我覺得一隻一個月的小貓, 比起很多人, 都勇敢得多.

希望呢d死變態佬快d死晒佢, 希望佢又俾人切左對腳掌.

Wednesday, October 10, 2007

瑤米messenger


geebu:"媽咪而家好忙, 叫我地過黎呢個場話俾大家知, 佢去左玩. 有咩就唔好打俾佢但係sms都ok."


bujil:"仲有媽咪會用twitter update大家, 所以想知道佢去左邊度玩, 就睇下右邊個twitter啦. 係咁先! byebye你條尾"
Posted by Picasa

Sunday, September 23, 2007

瑪格烈特....

最近相信因為工作壓力大, 經常發惡夢. 盈米話我應該同大家分享一下...

一. 夢中遇鬼
有一晚, patpat返左佢daddy mami屋企(呢個係真既), 晚上我打算跟兩隻babies 一齊訓 (當晚我真係同baby們訓既), 但係床上有一舊被隆起左, 有隻鬼o係入面(好似 sixth sense咁) 郁下郁下咁....
我嚇左一跳.... 驚左一下... 跟住無名火起!!!!!! 我就衝過去係咁打隻鬼!!! 係咁叫"你以為你係咩呀!!! 你去死啦, 同我即刻滾出黎!!!!" 跟住狂打佢屈佢... 最後打到佢變到好細好細... (完)

二. 夏韶聲concert
大約係, pat pat買左夏韶聲飛(仲要係第一行), 我地一齊去睇, 但係由於太近, 我地跟本乜都睇唔到, 仲因此而鬧起上黎.
我好嬲好嬲啦, 咁就拂袖而去啦, 奇怪既係, 出到去, 我見到一個阿伯拎住支竹喃喃自語, 我勁驚啦, 扮冇野咁行過...
點知一拎轉, 阿伯拎住支竹衝過黎我度...我好驚呀, 隨手唔知邊度拎起支仲大支既竹, 係咁"barn"返阿伯, 同佢鬥打, 點知阿伯支竹插中我個肚, 我就大叫左出黎....

"丫!!!!!!!!!!!!!!!!!!!!!!!!!!!!!!!!!!!!!!"
仲嚇醒埋pat pat....

三. 季節之瑪格烈特
大家仲記得"季節", "媽打"鄧碧雲嗎?
夢中的我, 係媽打一家的成員之一. 媽打的養子, 阿全. 在我夢中係一個衰仔..

阿全在外跟一個女人生左個女... 阿女叫"瑪格烈特".. 後來個女人走左佬... 由於阿全無法照顧"瑪格烈特", "瑪格烈特"就過黎同我地(即係媽打呢邊一家)暫住...

一天, 家中所以人包括阿全, 去左醫院探阿爸(劇中媽打個老公), 返黎時, "瑪格烈特"剛好o係廁所...
媽打:"阿全, 你咁有冇攪錯呀, 個女係你既, 你點可以話唔要就唔要佢架, 骨肉黎架"
阿全:"我唔理得咁多, 帶住佢陀手lung腳. 你咁鐘意佢咪要左佢囉... 你唔要佢我就拎佢去保良局"
我衝出黎大叫:"你地唔好再講呀, 瑪格烈特o係toilet會聽到晒架!!!!"

但係太遲喇, 佢已經聽到晒, 厠所入面不知怎的會有道防煙門通到樓下.... 原來瑪格烈特已經由o個道門走左落去...
落到樓下...
我地成十個人就跑落去追呢個小女孩, 邊追邊叫..."瑪格烈特...瑪格烈特!!!"
瑪格烈特停低... 慢慢轉過頭來....
..................
..............
..........
.......
.....
...
..
.
.
.
.
.
轉過頭來的瑪格烈特... 係一個黑人小朋友.....



Posted by Picasa

Sunday, September 09, 2007

屎忽了哥奇遇記...

呢兩日天氣有dd涼意, 我地決定要上天台bbq!!! 食食食咁啦... 點知天空有舊野低飛, o係我地頭上飛過仲坐左o係我地個欄杆度!

原來係一隻"了哥"...

以前細個時, 樓下面包鋪都養左隻"了哥", o個隻"了哥"好醒架, 成日扮人講野... 咁我咪又係咁對住佢講野囉...
我:"喂屎忽"
pat pat又叫:"屎忽屎忽"
"了哥"零反應...
patpat就繼續食野...
但係我唔放棄!!! 繼續係咁叫"屎忽... 屎忽... 屎忽呀"
如是者叫左十幾廿次...

咁我都放棄囉...食野囉...

"屎忽..屎忽..屎忽呀" <------- 一把怪聲出現, 唔係我又唔係patpat....
我同patpat互望...
呆左幾秒...
嘩!!!!! 呢隻"了哥"真係識扮人叫架喎!!
"喂~~~~~~~~~~~~~~~~~" (又係呢把怪聲)
"你做乜野" (都係"了哥"叫)
"屎忽屎忽屎忽呀"
oh.... 咁我就開始懷疑, 呢隻"了哥"係有人養既.... (死啦, 佢而家學識左係咁叫"屎忽" tim..)
但係佢之後就唔肯再講野喇...佢飛左去隔離既天台... 仲跳左上個女人個背度.. o個個女人好開心咁大叫叫個屋企人出黎睇...



晚上呢, 我就整左個blueberry muffin喎... 都ok架!

Posted by Picasa

Thursday, September 06, 2007

苖瑤聚


早兩日, 我同好耐冇見既苖苖人出黎食飯. o係佢個blog度先發現, 我地兩年冇見囉... 上一次見佢, 係佢婚後約出黎食飯. 講起上黎, 之前出席唔到佢既婚禮, 真係好可惜呀... (係喎, 我好似連d結婚相都冇睇過...)

今次出黎食飯, 又係發生十萬樣低b事.... 首先係我發現我冇左所有中學同學既phone #. o係公司我返返覆覆咁睇晒成個phone list4-5次, 口中念念有詞咁講"唔係呀嘛... 咁白痴... 今晚點算呀.."... 真係冇晒..只係得返bigyu既電話....

跟住就bigyu搭gap搭昌再搭美德先搭到苖苖人N年前既電話... 好彩佢十年都冇轉過number...

我仲desperate到留言到佢個blog度.... 唉... 我約左佢6:30pm... 但係4pm留言去佢個blog度.... 佢見到既機會都係好...... 微.

總之最後打到俾佢啦... 火速到tst, 點知低b事件再次發生... 首先我o係海港城打極都打唔到俾佢... 咁只好sms啦... 10秒後佢sms reply我喎!!! "和花亭"... 咩黎架... 我好日都唔出tst, 點知邊度和花亭呀.. 個心又急起上黎啦.. 死啦, 又打唔到俾佢, 佢點用sms教我去咩和花亭呀... 我都唔知點用sms話佢知我o係邊啦... (因為我都唔知自己o係邊)... 好似癲左咁亂行... 點知o係basement, 行下行下又見到有個人好焦急咁狂"才禁"個電話喎... 哈!!! 咁又會搵佢到架喎!!! 果然我係天生異"品", 勁人呀!

一走埋一齊, 就好似成世冇講過野咁, blablablablabla講過不停.... 坐低左成十幾分鐘都未叫野食... 仲要笑到個面硬左... 講左好多野啦, 大家既近況啦, 返工既攪笑野, 仲有講起多年前的痴線佬事件, 笑到嘔飯呀!

返黎既途中, 我又諗起d低b話提, 好似傻婆咁o係度傻笑... 哎o也... 好低b呀

小暈雲點滴: 我與傻婆有個約會

小小後記:
之前同盈盈講起, 善德果然係出低b人既好地方! 佢同佢d中學同學gathering時, 低b指數一樣爆晒燈呀!!! 什麼聯校ball呀, xxyy問答比賽呀, 聯校debate比賽呀, oh... not my cup of tea, 一個個汗毛當鬚根既爆瘡男扮gentleman同一個個化粧化到鬼樣 + 特登內八字腳咁行既"春夏秋冬冷背心女"跳舞... 開口埋口都要提住一大堆"男拔女拔皇仁華仁聖心st margret good hope st paul st bloody mary st dr martin st magarita long island ice tea... ..." 頂唔順呀...

Sunday, August 26, 2007

Duty free惡魔

從來都不相信飛機上duty free的貨品真的比較平宜. 本來只是坐飛機時突如其來想買野... 點知俾錢時真係發現好平喎!!!!

eye mask: $200
Dior travel make-up kit: $500
有macro-polo card: 有八折!!!

本來只是去程時空虛無聊先幫襯. 點知回程時見人地買得好high, 我又忍不住啦!!!
clinque (俾pat pat用): $2xx
bobbi brown: 好似是$3xx
anna sui mascara: $190
又有八折: $77x

dior kit-set 仔細睇....

bobbi brown仔細睇...


買完先諗起... 其實我唔化粧的 (個化粧既frequency係... 1 年少過10次)... 可想言知我做野係好大壓力呢.....
嗯... 或者我而家開始化下啦..
Posted by Picasa