C'est mon première blog et je voudrais prendre ce blog pour me souvenir les petit choses dans ma vie

Monday, December 10, 2007

嘩.... 你地做乜野?!

今朝早我出門口返工... 一開門...


見到...
...
..
.

呢兩個小朋友...
我忍唔住問佢地(我唔記得左佢地係狗):"你地做乜野呀"

小beagle係咁震... 灰白狗仔好慘咁嗚嗚叫.... 佢仲好識做..行開d俾我出門口..

好彩今日pat pat放假, 九點我就打返屋企叫醒佢, 由佢處理...
兩隻小狗好可愛, 但係佢地好似好慘咁呀... pat pat話小beagle想衝入屋!!!
可惜我地俾唔到一個家你地架.... 我家兩位悍婦必然要你求生不得呀...

打去lamma保護動物協會... 阿女士竟然叫pat pat自己帶佢兩個過去... 我地狗繩都冇條... pat pat硬著頭皮試下..
點知行左落去冇幾耐, 兩個小朋友又走左去.... 叫都叫唔住...
唉... 又唔係佢地主人, 又點會咁乖跟住你行呢...

後來協會打返俾pat pat, 話佢地主人搵緊佢地... 希望佢快d搵到兩個小朋友啦..
或者聽朝再過黎坐下, 我呢次會過去借兩條狗繩架喇...

晚上, 我整左三色蕎麥面, 好好味呀!!!!
Posted by Picasa

3 comments:

ying goo said...

希望狗狗快d返黎,返返去主人度啦...

個麵好似好好食咁....肚餓tim..

Anonymous said...

點解o個2隻狗會出現o係你屋企門口o既?
唔知走失左定係主人唔要佢地, 後尾良心發現要番呢?! 雖然我唔係咁鍾意動物, 尤其係棉胎, 但都開始慢慢接受佢喇!! =p

Nicole 瑤瑤 said...

最後都証實左係狗仔們走失, 佢地最後都返左屋企喇. 好彩. 我都唔知佢地點解會上左黎我地度呀, 仲o係我地出入口屙左篤大屎, 不過pat pat已經清左... yeah.

動物係好有性架, 好多時比人仲忠實. 我相信棉胎係可以教得好既, 但係要無比既耐性同愛心. 我睇過本有關狗既書, 由個狗義工寫既... 佢見過好多有行為問題既狗, 書中佢講左句, "世上冇教唔好既狗, 只有教唔好既人", 我都幾同意架....人咪仲難教.