C'est mon première blog et je voudrais prendre ce blog pour me souvenir les petit choses dans ma vie

Sunday, March 01, 2009

肉隨"針"板上....



原本係超級興奮等返學. 俾晒錢, mark晒schedule, additional o個個pre-requisite都俾埋錢等上堂.

點知一個電話, oh, 原來你個pre-requisite唔可以同regular course一齊讀, 美國o個邊一定要你讀左個pre-requisite先.

就係咁, 我就要shift遲半年先grad到喇.

心裡超級唔順氣, 點解之前又話可以一齊讀, 俾晒錢之後先話唔得.

又send reference letter又搵九萬幾樣proof, 都冇得傾.

好似俾人"gum"住黎搶錢咁, 你唔讀?! 得, 不過有d course冇得refund.

書我會照讀. 不過希望唔好再咁多枝節.... 好煩呀.



------------------------------------------

今日上課, instructor其實教得幾好, 不過d英文有少少攪笑.....

佢d"假鬼佬"口音.... 我聽得少少辛苦... 咩係market praise?!

原來係market price....



Posted by Picasa

Friday, February 06, 2009

2009 新開始

2009年既新開始, so far so good!

年宵又係去維園血拼!! 最緊要係買返兩對毛毛拖!!

暴力熊同你拜年, 祝大家身體健康, 心想事成.


大口扒祝大家口大食四方, 笑口常開.

開始左新工喇! 返左一個月. 各方面都好o岩我呀. 做既係同finance system有關既野. 大開眼界.

不得不confess一下.... 從前的我係以為finance/account/economics只係比pure math 淺既簡單野. 但係, 我係大錯特錯!!

原來economics, investment analysis都係好有趣既學問, account更真係一行專業, 唔係+ - 數, 長短腳咁簡單!! 相比起it, finance area 原來都有好多變化, 而且好似仲切身d. 原來我以前係多麽的膚淺呀!!!

apply緊d course黎讀, 希望順利啦. 不過要慳d lu....


**************

星期一同pat pat同幾個同事去左間bar度跳salsa, 好好玩呀!!! 會再去玩呀!!

**************

Posted by Picasa

Friday, January 02, 2009

澳門遊

同pat pat去左澳門飲飲食食. 食左超多野呀...

2點幾去到六記, 先知佢地開6點半. 六記既職員好好咁介紹我地去附近一間茶餐廳. 餓昏的二人即時衝去!

唔記得左個名既茶餐廳(六記附近行一條街)

1 - 我叫既天麻村弓魚頭米. 個湯都幾好飲同埋應該冇味精. 為經常頭痛既我打返個底先!! (但係我好怕食魚頭魚雲架..., 不過為左個頭, 都要食)
2 - pat pat既花枝抄米, 佢話好甜喎(即係唔好食). 同埋d花枝都幾"un"呀

榮記豆腐花

可能因為大多人, 整唔切啦, 今次d豆腐花係零分!!!

3 - 榮記, 我地食過好好食既豆腐花, 又滑又有豆香. 不過, 今次係勁失望囉!!!!
4 - d豆腐花好似用粉沖咁, 好難食呀!!!

李康記豆腐花

5 - 李康記係好多人推介, 大讚既豆腐花店. 因為佢d豆腐花勁滑喎, 不過缺點係得個滑字冇豆香.
6 - 真係勁滑!! 但係又真係冇豆香.

所以如果榮記做返水準, 應該榮記會好食d.


1,2
3,4
5,6

跟住我地去左檀香山咖啡飲左杯野 (pat pat鍾意佢d咖啡到不得了). 然後就趕去六記!!

六記

蔡瀾介紹過既地方都係迫爆人. 6點半先開門, 我地6點20分去到己經冇乜位. 好彩俾我地搵到一張table!

叫左雞腳豬腸, 炸yun yeung (炸鯪魚球+炸雲吞), 雲吞撈面同水蟹粥

雞腳豬腸 - 嘩好味呀!!! d雞腳燘到好林呀! d汁同平時o個d有少少唔同, 但係我又食唔出係乜野喎. 豬腸又係我平時唔多食既野, 不過都好味食左好多

炸yun yeung (炸鯪魚球+炸雲吞) - 呢兩樣野都係我完全唔鍾意食既野. 平時我多數俾晒pat pat食, 佢就好鍾意. 不過!!! 特登黎到都要食一粒! 嘩, 佢真係整得好好食. 我本來勁憎鯪魚球係因為平時食親都實有d魚骨碎o係入面, 本應啖啖肉既fish ball有骨真係令人好不安. 所以直頭唔食. 唔食炸雲吞係因為我覺得炸到d雲吞脆晒好似唔知似乜咁. d雲吞皮咁脆做乜jet. 不過佢都整得好味, 我都食左兩舊.

雲吞撈面 - 呢個好好味呀. 佢d面真係應該自家手打出黎. 雲吞d皮係薄到冇人有. 真係好好味!!

水蟹粥 - 100 分呀!! 我其實未食過水蟹粥, 因為聽人講有d鋪頭會返用d蟹殼, 好驚架嘛, 所以平時唔敢食. 但係呢度d蟹係啖啖蟹肉, d粥入面有蟹黃tim架!! 真係好香好香好好味!!! 個人覺得叫兩碗好過叫一窩, 因為一碗一隻蟹一個人食(我地叫左兩碗!!), 一窩兩隻蟹但係份量係4-6人食, 分薄晒d蟹呀!!



本來食完六記飽到爆肚, 我死都要去食杏香樓(糖水), pat pat收錯風話o係三盞燈, 我地行左粒幾鐘都搵唔到. 最後只好返酒店啦...

檀香山咖啡

pat pat 勁愛佢既咖啡, 第二日我地黎左再飲!! 仲食左個唔多辣既辣魚包. 不過咖啡真係好飲. Pat pat 仲買左兩包咖啡豆返去tim呀.

除此之外, 我地仲去左營地街市(又係蔡瀾推介), 多人到暈呀!!! 不過我覺得麻麻地.
跟住去手信街行下啦, 點知行下行下, 俾我地見到間杏香樓喎!!! 原來pat pat之前攪錯左, 個地址唔係三盞燈呀! 杏香樓又係迫滿人, 我地又好彩地搵到位喎!! d糖水好好味呀! (食左椰汁蛋白杏仁茶, patpat要蓮子杏仁茶).

成個澳門遊, 我最回味係個水蟹粥呀!!! 好好味呀!!!
Posted by Picasa

Wednesday, December 31, 2008

牛頭角下村之日場!

早幾日, 我同pat pat去左牛頭角下村, 趕及o係12月完之前試下佢出名既店鋪!

先去興記!!

奶茶: 幾好, 都幾滑但如果茶香重返少少仲好. 好過中環蘭芳園(聽人講佢d奶茶好味到震, 上星期咪去左中環試囉, 死迫爛迫迫到入去,但係食完極失望). 
豬扒包: 都唔錯
最好食係佢個炸雞脾!!!!!!!!! 我平時勁憎炸雞脾(因為我唔鍾意d由生炸到熟既野肉, 好似乾睜睜咁. 而且好多時都係面頭有味, 裡面一d味都冇). 點知呢, 佢只係個尖尖位有dd乾, 但係95%既area都好滑!!! 仲要由外到內都有味, 好明顯佢有醃過架!

興記真係唔錯呀!


跟住係源發!

我本來係陪pat pat食架ja, 因為平時唔鐘意食內臟.

淨豬雜: 有冇攪錯!!!!!! 點解可以咁好味!? 豬腰爽, 豬肝爽夾香, 點解可以咁好食架?! 仲要冇味精!!!
跟住再食淨豬肺: 大碗到差d K.O.我地兩個. 幾好食, 不過食得出佢有少少味精.

瘋狂飲食團未完架. 我地轉戰德褔食dessert. italian tomato!



跟住仲即刻上pat pat 屋企食飯. 最後爆肚而回.
Posted by Picasa

Tuesday, December 30, 2008

Christmas 08

一向怕迫人既二人, christmas冇出去食. (其實洗乜出去食, pat pat大廚煮得好食過出面... 呵呵)

lamp rack + foie gras - A+++

開左支紅酒(不過似乎越老既紅酒就要air得越耐, 過多一陣仲好飲!) - A++
PAT PAT - A++++++++++++++++++++

仲有我既微少少貢獻, 小小VEGGIE SALAD

屋企都有棵聖誕樹呀!
Posted by Picasa

Friday, December 26, 2008

Christmas Country Dance!!!

Send your own ElfYourself eCards


仲有個勁好笑既christmas disco dance o係geebu o個blog度呀: http://geebu.blogspot.com

Thursday, December 25, 2008

Christmas cookies~~~

話說同Pat pat初初拍拖時, 我成日都會整紅茶cookies俾佢食, 佢都幾鐘意食架.

自從一齊住之後, 我就冇整過喇!!! (即係整整三年冇整過!!! 一齊住即時露出真面目!)

尋日就整左囉. 硬左少少, 同埋d茶葉唔夠香我覺得.

個心心唔知點解生滿毒瘤!!!


我26號bbq party時會再整d呀! 到時一齊食丫.
Posted by Picasa