C'est mon première blog et je voudrais prendre ce blog pour me souvenir les petit choses dans ma vie

Sunday, April 29, 2007

一個人的夜晚


是夜, 一個人在家... 懶洋洋跟兩個baby訓了梳化一會, 11點發現, 原來未吃晚餐!!!! 最後煮了個出前一丁, 加杯荔枝茶. 邊吃邊寫blog, 黏人的baby們躺在身旁, 好寫意呀!!!

最近生活很忙, 好似每個weekend都有事忙, 有時會疲累一點, 但很充實. 一班人開始做些吃吃吃以外的活動, 隔個星期去打波. 雖然打波後還是會勁食一餐 (上環好彩 - 好正呀!!!), 不過起碼都郁動過, 出過幾滴汗... 最開心打時又傾, 食時仲傾得勁!!! 嘈到旁邊食客走晒, 好有滿足感. 呵呵..

開始再上hot yoga, 裝修後環境好好多. 每次做完都感覺身體柔軟多一點(自己以為). 不過有些動作由一開始完全不成到現在開始做到, 好開心呀!! 希望腳根快些鬆啦, 好想拉到一字馬呀....

Thursday, April 19, 2007

Olivia Newton John

每一晚, 電視上都會播十次八次olivia newton john既廣告... 播出幾個以前mtv既shots. 其中以"physical"既毛巾頭大頭shot最令人嚇驚... 我對olivia newton john唔係好熟識, 雖然好多佢既歌都聽過同埋知道佢演過grease....... 但係唱片公司以呢種疲勞轟炸形式咁去賣廣告.. 實在令我由本來唔係唔鐘意變成好唔鍾意...

我腦海不停有個綿花糖毛巾頭咁既怪物大叫"physical...physical... physical....", "sam sam you know where I am... "

今次情商鴨波出黎講幾句野...


鴨波: "呱呱呱呱... 呱呱... 呱" (olivia newton john, 你真係好煩呀!!!!!)
Posted by Picasa

Wednesday, April 11, 2007

Why didn't they ask Evans?

 


剛剛k.o.掉Agatha婆婆的"Why didn't they ask evans?". 故事講Bobby 於一次事件中於山崖下發現一位跌下山的男子, 這位男子斷氣前向bobby大叫了一句"why didn't they ask evans?", 就令bobby被神秘人追殺, bobby的兒時好友, frankie, 一位勇敢正義的千金小姐, 決心同bobby一起追查想暗殺bobby的兇手, 竟發現跌落山崖那位男子原來是被人謀殺!!!

這次agatha婆婆並沒有姿整Poirot或精明jane姑媽去追兇, frankie跟bobby就像跟讀者一起推理, 一起找出兇手, 過程很刺激驚險. 今次比起以往看過christie婆婆的書更投入, 情節緊湊得多, 尤其一開始"why didn't they ask evans?"這句話拎整個故事充滿懸疑神秘氣氛, 看得我很投入呀!!!

我跟盈米b米對看書的taste很不一樣, agatha 婆婆其實是盈米的favourite, 我只會找些看過briefing後很感興趣的來仔細看. 而盈米b米更會寫起讀書報告跟年尾看書回顧, 我自己比較喜歡八婆書種, 科學/死人冧樓/harry potter 等書, 但很多時看完便算, 剛看完這本書, 少有的感到很投入, 所以便試試學人寫寫閱讀報告了....
Posted by Picasa

Tuesday, April 10, 2007

勁抽忙碌復活節

 

呢一整個月, 我都忙到九彩... 工作方面, 要出trip, 又有project要趕... 工作以外, 我同pat pat o係三月尾決定左搬屋, 仲要決定左之後o個個weekend就搬, 出trip, 搬屋, 趕project, 呢幾樣野係同一時間發生... 復活節我本來係好希望可以用一兩日攪掂晒d野, 之後有兩三日可以玩下休息下...

但係原來搬屋真係好辛苦架... 我地鑽lone, 執野, 出去買野, 攪都攪到今日... 我成個假咁就冇左喇.... 攪掂間屋後, 我一定要休息下....

除左上面講既野, 就係我又病左... 傷風+感冒, 病到我傻下傻下咁...
Posted by Picasa

Sunday, April 08, 2007

New York Conference 3rd Day


又係一早起身, 又係同一間餐廳, 又要食個勁既.. 呢個好味呀, 入面有bacon, cheese, egg, 外面係wheat皮加tomato paste加sour cream, 估唔到加埋一齊係幾好味架喎...

呢日係conference既last day, 同一晚我就飛返香港. 今日一早起身, 食完個早餐, 就行過去喇... 呢一日朝早得1度.... 凍到我癲左...
清晨既海邊只得一兩個人跑步, 慢慢行返去好舒服呢.... (不過有d大風, 好凍呀)


呢一日都唔錯, 識到個日本既vendor, 最勁就係識到個second life既記者, 佢一聽到我o係香港黎, 就好開心咁話要寫低佢, 結果佢真係o係最新既新聞入面提到我!!! 嘩!!! 開心死我... ->http://www.slnn.com/index.php/article/about/vwends-marvel/page/2.html

而且呢日仲識到一個ibm既architect, 了解多d ibm o係second life既project, 好creative好有趣呀!!!! 用second life去stimulate real life既工作同training, 聽落係幾好喎.... 同時又識到個勁blablabla既人, 不過都好, 佢一路blablabla都放左d有用既消息俾我...

到左下晝, 有少少攰, 同埋conference去到尾聲, 似乎好多人都鬆散左, 有好多人唔見左啦, 有好多人冇入去聽野, 而係o係外面networking啦, 我o係場內聽埋last個section, 好攰就走左喇....

由於我班返香港既飛機係當晚11點, 所以4點個conference完左後, 就free咯!! 我就行去century 21度諗住睇下有冇野買啦, 沿途仲經過十年前我去new york玩時住既地方, 影左一兩張相, 就繼續行去shopping lu...
就係呢度喇!! o個時住左三個星期
樓下仲有個草地仔

Posted by Picasa

Friday, March 30, 2007

New York Conference 2nd day

一早起身, 食返個勁抽早餐先!!!
今日係conference既第一日, 其實成個conference得兩日. 今次既目的除左要了解多d呢個topic之外, 仲要利用conference去識多d呢方面既人士, 仲要試下invite其他公司同我地做project.... 即係要周圍識人....

一朝早去到8am, 好多人呀!!! 原來都有幾多日本人喎(比我想像中多), 好開心呀, 因為我地AP最好就係搵到D ASIA既VENDOR或者PARTNER, 但係... 點識佢地呢...

一講到主動同人傾偈同識人, 西方人真係叻好多. 佢地可以好自然咁JOIN到一堆人, 又可以好自然咁搭訕, 跟住又會好自然咁介紹自己, 伸出手握手同交換卡片.... 呢幾樣野, 真係要學.... O係場內見到日本人自然地坐埋一齊... 兩個星加坡人就自成一角. 我拎住杯COFFEE, 周圍行左陣, 就搵左張枱坐低, 過左一陣, 同枱有個男人就開始同我講野, 我心諗:"YES!!!! 太好喇!!!" 跟住有另一個男人又一齊傾左陣, 拎左佢地既Business card, 雖然佢地唔算係我target要搵既人, 但係總算係有個好開始!!!

conference開始, 似乎d野都幾有用, 好留心咁聽 (真係好少有), 第一個section過左喇, 又到break時間... 又要搵我既獵物喇!!! 唔知做乜好, 咁就走左去拎coffee啦, 丫!!! 前面個男人拎轉頭同我hi, 咁又開始傾起上黎喇!! (我心諗:"yeah!!!! 太好喇!!!! thank god") 佢原來係plastic surgeon... 吓... nip/tuck ??? plastic surgeon黎virtual world conference做咩呀!?!?!??!?!?!??? 原來佢想用呢個environment黎做d marketing既野, 又幾好喎呢個idea!

一路同阿醫生傾到lunch, 完左lunch之後就繼續conference喇, 上堂恰眼訓既毛病發作!!! 中下中下咁, 中到break, 唉, 又唔知點算好, 咪行出去企陣囉... 企到break就黎完, 有個男人經過我身邊, 我咪笑一下囉, 跟住佢就停落黎同我傾偈(我又心諗:"太好喇, 我今次真係命不該絶"). 最最最開心就係, 佢都算係我要搵既人種之一!!! 係vendor黎, 最開心就係o係日本有office, 遲d會o係北京開多間, yeah!!!! 直情係執到金呀!!!!! 咁咪狂傾囉, 佢個同事又join埋一齊傾, 嘩!!! 樣樣野都好合乎我想搵既人咁, 我覺得佢地除左o係呢方理有經驗同pro之外, 仲好humble 好honest, 成朝既conference都有好多人係咁強調自己係"第一個o係virtual world度做乜乜乜既工司", "最大既乜乜乜乜" 咁. 但係都冇乜邊個俾到實在既野出黎. 第一個o係second life度做branding, marketing又點呢, 咁你實際從o個度gain既profit係乜野呢, revenue係幾多呢? 個個都話"it's going to be a really BIG thing in 5 years!!!"....... 就好似以前既.com時期咁, 個個一味話要做web, 冇目的咁invest落去...

但係呢間公司係幾好呀, 佢地諗既野creative得黎係practical. 跟住佢地仲介紹我俾佢地既partner, even competitors識. 開心到我癲呀, 45分鐘內拎左成10張business card. 仲要識左幾個日本人分別係唔同公司, yeah!!! 今次有功課交喇!!

當晚我地仲一齊食dinner, 佢地介紹我食日本野. 坐的士時個司機非常之唔好老脾, 好似傻傻地咁, 不過我覺得NY既的士司機好多都有問題, 一係就要TIPS要到出口, 一係就好似躁狂咁... 痴痴地..

講返呢一餐, 首先d野食係勁好味, 真係好好味, 雖然係貴少少, 但係同價o係香港都唔會食到呢個水準... 真係好好味呀!!!

返到hotel已經10點幾喇, 沖完涼仲要做少少野, 好攰呀...

總括黎講, 呢一日都幾好, 我之前係好擔心識唔到人食白果架... 真係太好喇!!!

要補充返前一日chicago, 有關男主角... 佢唱得雖然ok, 但係同richard gere比... 冇得比呀, 呢個男主角只可以叫做普通樣, 但係有少少金魚佬feel...

Thursday, March 29, 2007

Conference New York

星期二一朝早就出發, 坐15hr飛機, 飛到NY做呢個conference. 到達係太約2點, o係上機前我已經飛快咁買左本NYC既LONELY PLANET黎睇, 飛機上就睇下我到逹後唯一一個FREE既大半天可以點用, 第一個諗法就係去睇BROADWAY. 咁我最想睇邊套呢... PHANTON, LES MESERABLE同MAMMA MIA都睇過, 今次要睇我都好鍾意既CHICAGO!!! CHECK個THEATER O係邊度, 由酒店去係要點去, 點買飛, 一到酒店沖返個涼, 就跳上的士去BROADWAY!! 一路上就諗PLAN B - 如果CHICAGO冇晒飛就去CENTURY 21度SHOP下咁..
不過好彩買到飛, 係貴飛($USD118), 但係靚位黎架, 好近個台架!!!
買完飛, 只係4PM, 仲有少少時間, O係BROADWAY行下行下, 發現左間好大既M&M... 咪入去睇下囉... 其實我都唔鍾意食M&M, 但係佢入面D衫下用品呀, 又幾得意喎... 最後買左少少野... 跟住就去左間幾OK既餐廳食野... O係NY, 我就唔係好敢一個人去D舖頭仔度食野同坐SUBWAY, 上一次黎既時候見到好多怪怪既人O係呢D地方...

呢間RESTO叫OLIVE GARDEN, D野好食喎 (相片遲D補返), 服務又好好, 個WAITRESS好NICE呀!!!

先黎湯!! d包又係好好食.

主菜係ravioli, d牛好滑好香, 但係ravioli入面d cheese令人好快就有d"漏"..

返返THEATRE O岩O岩開始入去.... CHICAGO真係好好睇呀!!!! 太正喇!! 個人覺得, 同電影一樣, VELMA KELLY係唱得好D, 扮演ROXIE既呢位叫BEBE既演員似乎係好巴閉既... 佢既唱腔好比唱'日落大道/紅樓金粉(Sunset Boulevard)'o個首(With One Look) o個位老婆婆咁... 好沉好震, 同movie既roxie好唔似呀... 成個musical好有驚喜, 一個人去都睇得好high呀!!!! 散場後, 發現成條街多左好多人 (因為間間theatre都一齊散場), 搵左好耐都冇的士... 唯有勇d走去坐subway啦, 有個工作人員伯伯好好咁教我用credit card買飛, 一路都好安全, 最驚只係佢d站close既時間唔同, 我本來要o係cordlandt度落, 點知個站竟然close左, 只好後一個站落, 行遠dd啦.. 返到黎攪完一輪己經成2am喇... 聽日要勁早起身呀...